અમદાવાદઃ ભારતીય હવામાન વિભાગે આગાહી કરી છે કે, અરબી સમુદ્રમાં લૉ પ્રેશર યથાવત છે અને તે વાવાઝોડામાં ફેરવાઈ શકે છે. આ વાવાઝોડું 3 જૂન સુધી દક્ષિણ ગુજરાતના કાંઠા વિસ્તારોમાં ત્રાટકી શકે છે. 4-જૂન સુધી દરિયો તોફાની રહેવાની આશંકા વ્યક્ત કરવામાં આવી છે. જેને પગલે માછીમારોને દરિયો ન ખેડવાની સલાહ અપાઈ છે.
કોરોના વાઈરસના કહેર વચ્ચે ગુજરાત પર વાવાઝોડાનું સંકટ, 4 અને 5 જૂન ભારેથી અતિભારે વરસાદની આગાહી બીજી તરફ સાઈક્લોનની અસર જોવા મળી રહી છે. સૂરત અને વાપી સહિત દક્ષિણ ગુજરાતના અનેક ભાગોમાં વરસાદ પડી રહ્યો છે. હવામાન વિભાગે ભારે વરસાદની ચેતવણી આપી છે. રાજ્યમાં વાવાઝોડાના પગલે સૌરાષ્ટ્રના ગીરસોમનાથ, વેરાવળ, માંગરોળ અને રોજી બંદર પર-1 નંબરનું સિગ્નલ લગાવવામાં આવ્યું છે. જ્યારે નવસારીમાં કાંઠા વિસ્તારના તમામ સરપંચ-તલાટીઓને એલર્ટ રહેવાની સૂચના આપવામાં આવી છે. જ્યારે સૂરત ખાતે વાવાઝોડાના પગલે NDRFની ટીમ ફાળવવામાં આવી છે.
કોરોના વાઈરસના કહેર વચ્ચે ગુજરાત પર વાવાઝોડાનું સંકટ, 4 અને 5 જૂન ભારેથી અતિભારે વરસાદની આગાહી વાવાઝોડું ગુજરાતના દરિયા કિનારે 3 જૂનના પહોંચવાની આગાહી છે.વાવાઝોડાની અસર સૌરાષ્ટ્ર અને દક્ષિણ ગુજરાતના દરિયા કિનારે અસર થશે. જેને લઈ હવામાન વિભાગે 4 અને 5 જૂનના ભારેથી અતિભારે વરસાદની આગાહી કરી છે. સૂરત,ભરૂચ,નર્મદા,વડોદરા,તાપી,છોટા ઉદેપુર,પંચમહાલ,દાહોદ,ખેડા,આનંદ,નવસારી,દમણ ,દાદરા નગર હવેલી,અમદાવાદ, ભાવનગર, અમરેલી,ગીર સોમનાથ, બોટાદ અને દીવમાં ભારે થી અતિભારે વરસાદની આગાહી કરાઈ છે.જણાવી દઈએ કે, રવિવારે જ ભારતીય હવામાન વિભાગે એલર્ટ કરતા જણાવ્યું હતું કે, અરબી સમુદ્ર સર્જાઈ રહેલ લૉ ડિપ્રેશન 48 કલાકમાં ચક્રવાતી સાઈક્લોનમાં ફેરવાઈ જશે, જે 3 જૂને સવારે મહારાષ્ટ્ર અને દક્ષિણ ગુજરાતના કાંઠા વિસ્તારને ધમરોળી શકે છે. જેને પગલે 2-4 જૂન માટે મહારાષ્ટ્રના દક્ષિણ કાંઠા, 2-3 જૂન ઉત્તર કાંઠા અને ગુજરાત, દમણ અને દીવ અને દાદરા નગર હવેલીમાં 3-5 જૂન સુધી ભારે વરસાદનું અનુમાન છે.મહત્વપૂર્ણ છે કે, ગુજરાતમાં પ્રી મોનસૂન એક્ટિવિટીના કારણે ગુજરાતના વાતાવરણમાં અસર જોવા મળી છે. વાદળછાયું વાતાવરણ સર્જાયું છે અને સામાન્ય વરસાદની આગાહી કરી છે. તો સૌરાષ્ટ્ર અને દક્ષિણ ગુજરાતમાં 4 અને 5 જૂનના ભારેથી અતિભારે વરસાદની આગાહી કરવામાં આવી છે.
