બુધવારના રોજ રાત્રે હોલિકા દહન બાદ આજરોજ લોકો રંગોમાં રંગાઈ ધુળેટીના પર્વને ઉજવણી કરી હતી. વહેલી સવારથી જ બાળકો રંગો, ફુગ્ગાઓ અને પિચકારી સાથે મેદાનમાં ઉતરી પડ્યા હતા. નાના મોટા ગ્રુપમાં બાળકો હોળીના રંગોમાં રંગાયા હતા.અબીલ ગુલાલ ભાત-ભાતના રંગો અને પાણીની પીચકારીઓ સાથે મોટાઓ પણ ઉત્સવમાં જોડાયા હતા, અને સૌ કોઈ ઉમર ભૂલી ઉત્સાહથી રંગોના ઉત્સવમાં રંગાયા હતા.
હોળી-ધુળેટી પર્વની ઉજવણી
આ પ્રસંગે યશસ્વી ઠાકુરે જણાવ્યું હતું કે, આજના દિવસે સૌ કોઈ મન મુટાવ, મતભેદ, દુઃખ, ઈર્ષા બધું ભૂલી સાથે હોળી રમે છે. સાથે સાથે બોર્ડની પરીક્ષાઓ પૂર્ણ થઈ ગઈ હોવાથી મુક્ત મને કોઈ પણ પ્રકારના દબાણ વિના હોળી રમી અંનદ માણ્યો હતો. રંગોના આ અનેરા પર્વમાં સૌ કોઈ રંગાયા હતા, અને ભારે ઉત્સાહ સાથે મોજ મસ્તીથી હોળી ધૂળેટી પર્વની ઉજવણી કરી હતી.
