અમદાવાદઃ હાઈકોર્ટમાં અરજદાર અને રણજી ખેલાડી નિખિલ રાઠોડ દ્વારા હાઈકોર્ટમાં દાખલ કરાયેલી જાહેરહિતની અરજીમાં દલીલ કરવામાં આવી હતી કે, સૌરાષ્ટ્ર ક્રિકેટ એસોસિએશનનું સંચાલન શરૂઆતથી જ નિરંજન શાહ દ્વારા કરવામાં આવ્યું છે. હાલમાં જ તેમના પુત્રની વર્ણી કરવામાં આવી છે, ત્યારે કોઈ ક્રિકેટર, અમ્પાયર સહિતના લોકોને સદસ્યતા આપવામાં આવતી નથી. આ પ્રકારનું વલણ BCCI અને સુપ્રિમ કોર્ટની ગાઈડ લાઈન પ્રમાણે જસ્ટીસ લોઢા કમિશનના નિયમો વિરૂધ છે.
સૌરાષ્ટ્ર ક્રિકેટ એસોસિએશન માં સંચાલન મુદે હાઈકોર્ટે BCCIને નોટીસ ફટકારી
સૌરાષ્ટ્ર ક્રિકેટ એસ્સોશિયેશનને વર્ષ 2012-13 થી 2018 વચ્ચે BCCI તરફે મળેલી 209 કરોડની જંગી ગ્રાન્ટનો પણ ઉપયોગ કરવામાં આવ્યો નથી. સૌરાષ્ટ્રના કેટલાક વિસ્તારોમાં ક્રિકેટને લઈને કોઈ ખાસ ખર્ચ કરવામાં આવ્યો ન હોવાનો આક્ષેપ કરવામાં આવ્યો હતો. હાઈકોર્ટે જાહેરહિતની અરજીને માન્ય રાખીને નોટીસ પાઠવી ખુલાસો માંગ્યો છે.
