અમદાવાદઃ ગુજરાત હાઇકોર્ટે બાર એસોસીએશનના પ્રમુખ યતીન ઓઝા સામે ક્રિમિનલ કન્ટેમ્પ્ટ પિટિશન દાખલ કરી હોવાની વિગતો સામે આવી છે. ગુજરાત હાઇકોર્ટ બાર એસોસીએશનના પ્રમુખ યતીન ઓઝાએ ચીફ જસ્ટિસ ઓફ ઇન્ડિયાને લખેલા પત્રમાં રજૂઆત કરી હતી કે, ગુજરાત હાઈકોર્ટ સટ્ટાબજાર જેવી છે.
જેમાં પૈસાવાળા વર્ગના કેસની લિસ્ટિંગ જલ્દી થાય છે. આ આક્ષેપ પર ગુજરાત હાઈકોર્ટની ડિવિઝન બેંચે યતીન ઓઝા સામે ક્રિમિનલ કન્ટેમ્પ્ટ પિટિશન દાખલ કરી છે. હાઈકોર્ટે આ મુદ્દે યતીન ઓઝા પાસેથી 16મી જૂન સુધીમાં જવાબ રજૂ કરવાનો આદેશ કર્યો છે.
ગુજરાત હાઇકોર્ટની ડિવિઝન બેન્ચે સિનિયર વકીલ યતિન ઓઝા પાસેથી સિનિયર પદ પણ લેઈ લેવાની ચીફ જસ્ટિસ વિક્રમનાથને ભલામણ કરી છે. ગુજરાત હાઇકોર્ટે યતીન ઓઝા સામે દાખલ કરેલી ક્રિમિનલ કન્ટેમ્પ્ટ પિટિશનમાં યતીન ઓઝા દ્વારા કરવામાં આવેલા ફેસબુક લાઈવમાં આક્ષેપ કરવામાં આવ્યા હતા.
યતિન ઓઝા રજીસ્ટ્રીમાં લાંચ લેનારા અધિકારીઓ સામે કાર્યવાહીની માગ સાથે 11મી જૂનના રોજ હાઈકોર્ટ ગેટ નંબર 2 બહાર મરણોપ્રાંત ઉપવાસ કરશે.
