18 ફેબ્રુઆરી 2012એ રાજ્ય સરકારના નોટીફીકેશન મુજબ 10% સુધી ભાડામાં વધારો-ઘટાડો કરવાની સત્તા ઓથોરીટી આપી શકે છે તેમ છતાં ખાનગી ઓપરેટર ચાર્ટડ સ્પીડ પ્રા. લી. અને અન્યો ખાનગી કંપનીઓને કમાવી આપવા માટે 25% ભાડુ ઘટાડવાનો નિર્ણય એસ.ટી. નિગમના ઉચ્ચ અધિકારીઓ દ્વારા કરવામાં આવ્યો છે.
દોશીએ આક્ષેપ કરતા જણાવ્યું હતું કે, ડિસ્કાઉન્ટ જાહેર કરવામાં આવેલ 10 રૂટો પર 15 બસો ફરી રહી છે. જે પૈકી 3 રૂટની બસમાં એટલે કે વારાણસીની બસમાં રૂપિયા 818 મુંબઈની બસમાં રૂપિયા 293 અને ગોવાની બસમાં રૂપિયા 800 સુધીનું ડીસ્કાઉન્ટ આપવામાં આવે છે. જેના કારણે આ ૩ રૂટની બસોમાં જ સરકારી તીજોરીને રૂપિયા 2,79,00,600નું નુકશાન થાય છે. બીજી બાજુ આ બસોમાં જે ભાડુ વસુલવામાં આવે છે. તેના કરતાં હવાઈ અને રેલ્વે મુસાફરીના દરો પણ ઓછા હોય છે. તેમજ અન્ય રાજ્યોના મુસાફરો માટે રાજ્યમાં પસાર થતાં ભાડામાં 25% ડિસ્કાઉન્ટ આપવામાં આવે છે જ્યારે રાજ્યના મુસાફરો માટે કોઈ ડિસ્કાઉન્ટ આપવામાં આવતું નથી.
એસ. ટી. નિગમના હિસાબી ખાતાના 3 ડિસેમ્બર 2014ની સુચનાઓ મુજબ ખાનગી ઓપરેટરોના ભાડાનું ચુકવણી જીપીએસ મોડયુલ મુજબ કરવાનું થાય છે તેમ છતાં ખાનગી ઓપરેટરને વધુ ફાયદો થાય તે માટે ભાડાની ચુકવણી જીપીએસ મોડ્યુલ મુજબ કરવાના બદલે લોગબુક/ચોપડીઓ મુજબ ભાડુ ચુકવવામાં આવે છે જેના કારણે સરકારી તિજોરીને કરોડો રૂપિયાનું નુકશાન થાય છે.
2006માં જાહેર કરેલા મુજબ એસ. ટી. નિગમે સિક્યુરીટી ડિપોઝીટ પેટે ટેન્ડર વેલ્યુ 22 કરોડની સામે ૫% લેખે રૂ.૧.૧૦ કરોડ લેવાની થાય છે તેના બદલે નિગમ દ્વારા માત્ર ૬૫ લાખની જ ડીપોઝીટ લેવામાં આવેલ છે.
ખાનગી ઓપરેટર પાસેથી કરાર કરવા સમયે નિગમની નીતિ મુજબ ટેન્ડર જાહેર કર્યા તારીખથી ત્રણ વર્ષમાંથી કોઈ એક નાણાંકીય વર્ષમાં ટર્ન ઓવર ટેન્ડર વેલ્યુ જેટલું હોવું જોઈએ તેવી જોગવાઈ છે તેમ છતાં ટર્ન ઓવરની બાબત ત્રણ વર્ષના બદલે 5 વર્ષની ધ્યાને લઈ ખાનગી ઓપરેટરને ફાયદો પહોંચાડવામાં આવે છે.
ટેન્ડરની શરત મુજબ ખાનગી ઓપરેટરે 10 લાખ KM પછી નવી બસ આપવાની જોગવાઈ હતી, તેમ છતાં ખાનગી ઓપરેટરને ફાયદો પહોંચાડવા માટે 10 લાખથી વધુ KM વપરાયેલ બસ ફેરવી શકાય તે માટે સવલત કરી આપવામાં આવી છે. ટેન્ડરની શરત મુજબ પાર્સલની તમામ રકમ નિગમે જમા લેવાની જોગવાઈ હતી, તેમ છતાં ખાનગી બસોના માલિકને ફાયદો કરી આપવા માટે 50% પાર્સલ વાહન કરવાની જગ્યા ખાનગી ઓપરેટરને આપેલ છે.
ટેન્ડરની શરત મુજબ બસની અંદર અને બહારની તમામ જાહેરાતની સત્તા એસ.ટી.નિગમને હતી, તેમ છતાં ખાનગી ઓપરેટરને ફાયદો પહોંચાડવા માટે બસની અંદરની 75% જગ્યા ઉપર જાહેરાતના હક્કો ખાનગી બસ માલિકને આપી દેવામાં આવેલ છે. સરકારી ટેન્ડટરોમાં પેનલ્ટી અંગેની કોઈ મર્યાદા હોતી નથી, સરકારને જે નુકસાન થાય તે તમામ નુકસાન વસુલ કરવાનું હોય છે. તેવી જોગવાઈના બદલે સરકારી તિજોરીને નુકસાન થાય અને ખાનગી ઓપરેટરને ફાયદો પહોંચે તે માટે બીલની રકમના ફકત 5% જ પેનલ્ટી વસુલ કરવાની જોગવાઈ કરવામાં આવી છે.
જેને મફત મુસાફરીની સુવિધા મળે તેની ચિંતા કરવી જોઈએ, એસ.ટી.ના કર્મચારીઓના પ્રશ્નો ઉકેલવાની ચિંતા કરવી જોઈએ, આદિવાસી વિસ્તારોના 867 ગામોમાં આજદિન સુધી એક પણ બસની સેવા મળતી નથી તે ગામોમાં બસની સુવિધા ઉપલબ્ધ કરાવવા ચિંતા કરવી જોઈએ 9,870 ગામોમાં દિવસમાં એક જ વાર બસ આવે અને જાય છે ત્યાં રૂટ વધારવા ચિંતા કરવી જોઈએ. ખાનગી ઓપરેટર ચાર્ટડ સ્પીડ પ્રા. લી., કંપનીના માલિક પંકજ ગાંધી અને અન્ય ખાનગી ઓપરેટરોના ભોગે સરકારી તિજોરીનું નુકશાન ન થાય તે માટે આ કંપનીને બ્લેક લિસ્ટ કરવા સરકારમાં લેખિત ફરીયાદ કરવામાં આવી છે અને એસ.ટી. નિગમના ઉચ્ચ અધિકારીઓ સામે વિજીલન્સ તપાસ કરવાની માંગણી કરી છે.
