અમદાવાદમાં CM વિજય રુપાણીએ 150 કરોડની સ્પેસ ગેલેરીનું કર્યુ ખાતમુહૂર્ત

અમદાવાદ: જિલ્લાની સાયન્સ સીટી ખાતે આજથી વાયબ્રન્ટ ગુજરાત સ્ટાર્ટઅપ એન્ડ ટેક્નોલોજી સમિટ-2019નો પ્રારંભ થયો છે. જેનું આજે મુખ્યપ્રધાન વિજય રૂપાણીએ ઉદ્ઘાટન કર્યું હતું. આ સમિટ ત્રણ દિવસ સુધી ચાલશે. જેમાં રાજ્યભરના બાળકો અવનવા સ્ટાર્ટઅપ અને ઇનોવેશન દ્વારા સમિટમાં ભાગ લેશે. આ ઉપરાંત સાયન્સ સીટી ખાતે 150 કરોડના ખર્ચે સ્પેસ સાયન્સ લાયબ્રેરીનું ખાત મુહૂર્ત વિજય રૂપાણીએ કર્યું હતું.

સાયન્સ સીટી ખાતે ટૂંક જ સમયમાં એસ્ટનોમી અને સોએસ સાયન્સ ગેલેરી શરૂ થવાની છે. જેનું ખાત મુહૂર્ત રાજ્યના મુખ્યપ્રધાન દ્વારા કરવામાં આવ્યું હતું. મુખ્યપ્રધાન સાથે રાજ્યના મુખ્યસચિવ અનિલ મુકિમ પણ હાજર રહ્યા હતાં. આ કાર્યક્રમમાં મુખ્યપ્રધાને સ્ટાર્ટઅપ અને ટેક્નોલોજી સમીટનું પણ ઉદ્ઘાટન કર્યું હતું. જે આગામી 14 ડિસેમ્બર સુધી ચાલશે અને જેમાં રાજ્યના અનેક વિદ્યાર્થીઓ સ્ટાર્ટઅપ ઇનોવેશનમાં પોતાનું યોગદાન આપી ભાગ લેશે.

મુખ્યપ્રધાન વિજય રૂપાણીએ જણાવ્યું હતું કે, સ્ટાર્ટઅપ આજના સમયની માગ છે, ત્યારે 5000 જેટલા સ્ટાર્ટઅપ માત્ર ગુજરાતમાં જ છે. દરેક સ્ટાર્ટઅપ બીજા લોકોને રોજગારી આપી અને આગળ વધે છે. આ તમામ સેક્ટરોમાં ગુજરાત આગળ વધી રહ્યું છે. રાજ્ય સરકાર પણ આવનારા દિવસોમાં બધા તજજ્ઞો અને સંસ્થાઓનો સહકાર લઈને પડકારોનું તમામ વિભાગો દ્વારા નિવારણ કરવામાં આવશે. યુવાનોની શક્તિ રાષ્ટ્રના નિર્માણમાં કઈ રીતે ઉપયોગી બને તે દિશામાં રાજ્ય સરકાર પ્રયાસ કરશે.