અમદાવાદઃ દેશમાં કોરોના વાઇરસની મહામારી ચાલી રહી છે. કોરોના પોઝિટિવ કેસોમાં દિવસે દિવસે વધારો થઈ રહ્યો છે. તેવામાં પોલીસ અને તબીબો પર હુમલાની ઘટનાઓ બની રહી છે. અમદાવાદ શહેરના શાહપુર વિસ્તારમાં પણ થોડા દિવસો અગાઉ પથ્થરમારાની ઘટના બની હતી. જેમાં સ્થાનિક પી.આઇ આર. કે. અમીન સહિત પોલીસકર્મીઓ ઇજાગ્રસ્ત થયાં હતાં. કોરોના વોરિયર્સ પર હુમલાની ઘટનાઓ વધી રહી છે તેવામાં રાજ્યના DGP શિવાનંદ ઝા દ્વારા અસામાજિક તત્વોને પણ કડક સૂચના અને ચેતવણી પણ આપવામાં આવી છે. રાજ્યમાં કાયદો અને વ્યવસ્થાની સ્થિતિ બગડે નહીં તેના માટે થઈ સંવેદનશીલ વિસ્તારોમાં BSFની ટૂકડીઓ પણ તહેનાત કરી દેવામાં આવી છે.
અમદાવાદના શાહપુરમાં BSF તૈનાત, પથ્થરમારા બાદ કડક બંદોબસ્ત
