દ્વારકાઃ રાજ્ય સભાની ચૂંટણીમાં 82 દ્વારકા વિધાન સભાના પૂર્વ ધારાસભ્ય પબુભા માણેક સુપ્રિમ કોર્ટમાં અરજી કરી હતી. જેમાં તેણે ચૂંટણીમાં મત આપવાનો અધિકાર આપવા અંગેની અપીલ કરી હતી. જેમાં સુપ્રિમ કોર્ટે તેમની અરજીને નામંજૂર કરી છે. જેથી તે આગામી રાજ્યસભાની ચૂંટણી મત આપી શકશે નહીં.
ભાજપનું સંખ્યાબળ 103નું જ રહેશે રાજ્યસભાની બેઠક જીતવા માટે એક-એક મત હવે મહત્વનો છે, ત્યારે આ સમાચાર ભાજપ માટે કેટલું મોટું નુકસાન પહોંચાડી શકે છે તે આગામી સમય જ બતાવી શકે છે. કોંગ્રેસ પ્રમુખ અમિત ચાવડાએ જણાવ્યું કે સુપ્રીમ કોર્ટ દ્વારા લેવામાં આવેલો નિર્ણય ન્યાયિક નિર્ણય ગણાવ્યો છે.
આગ વાત કરતાં કોંગ્રેસ પ્રમુખે જણાવ્યું કે, શિક્ષણ પ્રધાન ભૂપેન્દ્રસિંહ ચુડાસમા આ અંગે પણ હાઇકોર્ટ દ્વારા જે નિર્ણય લેવામાં આવ્યો છે, તેને લઈ વિચાર વિમર્શ કરવામાં આવશે. સાથે જ નિષ્ણાતોની સલાહ લઇ આગામી દિવસોમાં તેમના વિરુદ્ધ પણ કોર્ટમાં કાર્યવાહી કરવાની ચીમકી દર્શાવી હતી. જો કે, આ તમામની વચ્ચે ભાજપને ત્રણ બેઠક જીતવી તે લોઢાના ચણા ચાવવા જેવી બાબત બની રહેશે.
