પોલીસે અંકિત સોની નામના આરોપીની ધરપકડ કરી છે, વસ્ત્રાપુર પોલીસ અને SHE ટીમે ઝડપેલા આરોપી પર આરોપ છે કે આરોપી રવિવારે સવારે એનએફડી સર્કલથી જજીસ બંગલો રોડ તરફ જઈ રહ્યો હતો ત્યારે ભોગ બનનાર મહિલા ડૉકટર સવારે 6.30 વાગ્યે સાયકલિંગ કરતા જઈ રહ્યા હતા, ત્યારે આરોપી મહિલા ડૉકટર સાથે છેડતી કરી ફરાર થઈ ગયો હતો અને જેથી મહિલા ડૉકટર સાયકલ પરથી પડી ગયા અને પોલીસને જાણ કરી હતી જે બાદ ડી.સી.પી સહિત અન્ય પોલીસ કર્મચારી ઘટના સ્થળે દોડી આવ્યા હતા અને તપાસ શરુ કરી હતી. પોલીસ તપાસ શરુ કરતા પોલીસને એક સી.સી.ટી.વી ફુટેજ મળી આવ્યા હતા અને જેમાં એક એક્ટિવા પર એક શખ્સ જતો દેખાઈ આવતો હતો અને એકટિવા પર કોઈ બેગ લટકી હતી તેવું નજર આવી રહ્યુ હતુ. પોલીસ અને શી ટીમે બે દિવસ અને રાતની મહેનત બાદ તપાસ કરી આરોપી સુધી પહોંચી ગઈ હતી.
