અમદાવાદ-.20 દિવસ દરમિયાનના લૉક ડાઉનમાં નિયમોનો ભંગ કરનાર વિરુદ્ધ 3811 ગુના નોંધીને 9511 લોકોની અટકાયત કરવામાં આવી છે. જેમાં જાહેરનામાના ભંગ બદલ 3379 ગુના,એપિડેમીક એક્ટ હેઠળ 424 ગુના,હંગામો કરનાર 37 ગુના,ડિઝાસ્ટર મેનેજમેન્ટ એક્ટ મુજબ 5ગુના નોંધ્યાં છે. ડ્રોન દ્વારા 25 ગુના નોંધી 90 લોકોની અટકાયત કરવામાં આવી છે.
આ ઉપરાંત પોલીસ દ્વારા વિડીયોગ્રાફી, સાયબર સેલના આધારે પણ ગુણ નોંધવામાં આવી રહ્યાં છે. સિનિયર સિટીઝનની મુલાકાત શી ટીમ દ્વારા લઈને મદદ કરવામાં આવી રહી છે. હોમ કોરેન્ટાઈનમાં રહેલ લોકોની પણ ચકાસણી કરવામાં આવી રહી છે. હવે લૉક ડાઉનની સમય મર્યાદા વધારતા પોલીસ હવે ફરી એકવાર એક્શનમાં આવશે અને કેટલાક વિસ્તારમાં કરફ્યુ જાહેર કરવામાં આવ્યું છે ત્યાં કડક બંદોબસ્ત ગોઠવી દેવામાં આવશે.
