અમદાવાદ: કૃષિ બિલ બાબતે ભાજપ દ્વારા સાચી માહિતી ખેડૂતોને પહોંચાડવાના અભિયાન અંતર્ગત સાણંદ તેમજ વિરમગામ તાલુકાના અલગ અલગ ગામોમાં નવદીપસિંહ ડોડીયાએ ખાટલા બેઠકનું આયોજન કર્યુ હતું.
આ બેઠકમાં તેમણે ખેડૂતોને માહિતગાર કરતા જણાવ્યું હતું કે, જ્યારથી ભાજપની સરકાર આવી છે. ત્યારથી ખેડૂતલક્ષી નિર્ણયો કર્યા છે. રાજ્યના 9000 ગામડાને નર્મદાનું પીવાનું પાણી ભાજપ સરકારે પૂરું પાડ્યું, 1.5 લાખથી વધારે ચેક ડેમો હજારો તળાવો ઊંડા કરવાનું તથા બોરીબંધ જેવા જળ સંચયના કામો કર્યા અને કોંગ્રેસ ગામડાઓમાં જુઠાણું ફેલાવે છે. આ ઉપરાંત કોંગ્રેસના સમયમાં જે ટેકાના ભાવ હતા તેનાથી 50 ટકાથી માંડીને 100 ટકા વધારે ટેકાના ભાવો ભાજપ સરકારે જાહેર કર્યા છે.
