શહેરના ચાંદખેડા વિસ્તારમાં રહેતી અને કાલુપુર પોલીસ સ્ટેશનમાં ફરજ બજાવતી મહિલા કોન્સ્ટેબલે 19મી જૂનના ઘરના બાથરૂમમાં અગમ્ય કારણોસર ગળે ફાંસો ખાઈ આપઘાત કરવાનો પ્રયાસ કર્યો હતો. જે બાદ તેમનો જીવ બચી ગયો હતો. તેમને સારવાર માટે સિવિલ હોસ્પિટલમાં દાખલ કરવામાં આવ્યા હતા, જ્યાં સારવાર દરમિયાન તેમનું મોત નીપજ્યું હતું.
આ અંગે સ્યુસાઇડ નોટ છે કે કેમ તે અંગે પોલીસ તપાસ કરી રહી છે. સાથે જ ક્યાં કારણોસર તેમણે આપઘાત કર્યો છે તે જાણવા માટે પણ તપાસ ચાલી રહી છે. હાલ પોલીસે અકસ્માતે મોતનો ગુનો નોંધીને આગળની કાર્યવાહી હાથ ધરી છે.
