ઈસનપુર વોર્ડના ભાજપના કોર્પોરેટર પુલકિત વ્યાસ ઉર્ફે બબુલભાઈ ગેરકાયદે બાંધકામ મામલે લાંચ માંગતા હોવાનો વિડિયો સોશિયલ મીડિયામાં વાઇરલ થયો છે. વાઈરલ થયેલા આ વીડિયોમાં દક્ષિણ ઝોન વિસ્તારમાં એક બિલ્ડર પાસે પુલિકત વ્યાસ ગેરકાયદે બાંધકામને લઈ પૈસા માંગે છે. તેમજ મ્યુનિસિપલ કોર્પોરેશનના અધિકારીઓને સાચવી લેવાનું જણાવી રહ્યા છે.
આ બાબતે મેયર બીજલ પટેલ જણાવે છે કે, "મેં હજી આ વીડિયો જોયો નથી પરંતુ જો આ સછું હશે તો આ મામલે શહેર અને પ્રદેશ કક્ષાએ રજુઆત કરવામાં આવશે. કોર્પોરેટર નું આવું વર્તન બિલકુલ પણ સ્વીકાર્ય નથી. અધિકારી ની સંડોવણી હશે તો કમિશનર દ્વારા પણ પગલાં લેવામાં આવશે જરૂરું પડ્યે કોર્પોરેટર અને અધિકારીઓ ને પણ સસ્પેન્ડ કરવામાં આવશે.
આ ઘટનામાં મેટર બીજલ પટેલ અને નીતિન પટેલની પ્રતિક્રિયા બાદ આરોપી પુલકિત વ્યાસનો ગૂનો સાબિત થતાં તેને સસપેન્ડ કરવામાં આવ્યો છે.
નોંધ: આ વીડિયોની ઈટીવી ભારત કોઈ પણ રીતે પુષ્ટિ કરતું નથી...
