સોશિયલ મીડિયામાં એક ફોટો વાયરલ થયો હતો. જેમાં ચાલુ બાઇકે પોલીસકર્મી હેલ્મેટ પહેર્યા વગર ફોન પર વાત કરી રહ્યો હતો. આ ફોટો લોકોની કોમેન્ટ સાથે સોશિયલ મીડિયામાં વાયરલ થતા પોલીસના ઉચ્ચ અધિકારીઓ સુધી પહોંચ્યો હતો. પોલીસે આ ફોટામાં દેખાતી નંબર પ્લેટના આધારે બાઈક ચલાવનાર LRD જવાન વિશ્વાસ રાઠોડને શોધી કાઢ્યો હતો.
અમદાવાદના ઓઢવ રિંગ રોડ પર ફરજ બજાવતા PSI આઈ.બી.ગામીતે આ પોલીસકર્મીને 1100 રૂપિયાનો દંડ ફટકારવામાં આવ્યો હતો. જેમાં ચાલુ બાઇકે વાત કરવા માટે 1000 રૂપિયા અને હેલ્મેટ ન પહેરવા બદલ 100 રૂપિયાનો દંડ ફટકારવામાં આવ્યો હતો. પોલીસકર્મીને દંડ કરેલ મેમો પણ સોશિયલ મીડિયામાં પોલીસ દ્વારા જાહેર કરવામાં આવ્યો હતો.
