અમદાવાદ: સાણંદમાં મહાકાય અજગર મળી આવતા ગામલોકોમાં ભયનો માહોલ

સાણંદના નળસરોવર રોડ પરના માણકોલ ગામમાંથી ખેડૂત રણજીત સોલંકીનો કોલ આવ્યો. તેમણે કહ્યું કે, અમારા ખેતરમાં એક મોટો અજગર ઘૂસી આવ્યો છે મજૂરો અને બાળકો ખૂબ જ ડરી ગયા છે. એનિમલ લાઈફ કેર સંસ્થાને કોલ મળતા જ વિજય ડાભી અને તેમની ટીમ તુરંત માણકોલ ગામ પહોંચી. જ્યાં તેમણે આ અજગરનું રેસ્ક્યૂ કરી જંગલખાતાને સોંપી દીધો હતો.

અમદાવાદ : રાજ્યમાં વરસાદની સીઝન શરૂ થતાં જ અવારનવાર સાપ અને વન્ય જીવો નીકળવાની ઘટના બનતી હોય છે. ત્યારે ચોમાસુ ચાલુ થતાની સાથે આઠ ફુટ લાંબો મહાકાય અજગરનું રેસ્કયૂ એનીમલ લાઈફ કેરના વિજય ડાભીએ સાણંદ નળ સરોવર રોડથી કર્યું છે. સાણંદ નળ સરોવર રોડ પર માણકોલ ગામ પાસેથી રણજીત સોલંકીનો કોલ આવ્યો તેમણે સંસ્થાને જણાવ્યું કે, એક આઠ ફુટ લાંબા મહાકાય અજગર ખેતરમાં આવી ગયો છે. નાના બાળકો તથા મજૂરો ડરી ગયા છે. વિજય ડાભી તથા તેમની ટીમ સ્થળ પર પહોંચી આઠ ફુટ લાંબા અજગરનું રેસ્કયૂ ઓપરેશન હાથ ધરી બચાવી લેવામાં આવ્યો હતો. તથા ગામ લોકોને અજગર પ્રત્યેનો ભય દૂર થયો હતો.

જોકે, વિજય ડાભી જણાવે છે કે, હાલ ચોમાસાની સીઝન ચાલુ થઇ ગઇ છે. ત્યારે અવાર નવાર સાપ નીકળવાના કિસ્સા જોવા મળતા હોય છે. ત્યારે ચોમાસાની ઋતુમાં સાપના ઝેરમાં તીવ્રતા ખૂબ જ વધારે હોય છે. એટલે સાપ ઘરમાં આવે કે, ક્યાંય પણ જોવા મળે તો સાપ પકડતા નહીં એને જાતે પકડવાની કોશિશ કરશો નહીં અને બધા સાપ ઝેરી હોતા નથી. અમુક સાપ ઝેરી હોય છે, કોબ્રા, રસલ, વાઈપર ,સોસ્કેલવાઇપર ક્રેટ આ ઝેરી સાપને કયારે પણ જાતે પકડવાની કોશિશ ના કરશો. કોઈ પણ સરિસૃપ કે વન્ય પ્રાણી જીવ આપણા ઘરમાં આવે તો તેને મારશો નહિ. તાત્કાલિક એનીમલ હેલ્પલાઇનનો સંપર્ક કરવો જોઈએ અને સાપનો જીવ બચાવવો જોઈએ .

સાણંદમાં મહાકાય અજગર મળી આવ્યો