અમદાવાદ: સોનુ જગલાન ફરી એક વાર ગુજરાત જાયન્ટ્સનો હીરો બન્યો હતો. તેણે મંગળવારે ટ્રાન્સસ્ટેડિયાના એક્કા એરેનામાં યુ મુમ્બા સામે જાયન્ટ્સને 39-37 થી રસાકસીભર્યો વિજય અપાવ્યો હતો. કેપ્ટન તરીકે ફઝલ અત્રાચલીની આ ૧૦૦ મી રમત હતી જેણે જાયન્ટ્સ માટે જીતને વધુ ખાસ બનાવી દીધી હતી.
7મી મિનિટમાં ટ્રમ્પ કાર્ડ સોનુ જગલાન ઊતાર્યો: ટીમોએ શરૂઆતની થોડી મિનિટોમાં જ સરસાઈ મેળવી લીધી હતી અને ગુમાન સિંઘના બે પોઇન્ટના રેઇડને કારણે યુ મુમ્બાએ 5મી મિનિટે 7-5થી સરસાઈ મેળવી લીધી હતી. ત્યારબાદ જાયન્ટ્સે 7મી મિનિટમાં તેના ટ્રમ્પ કાર્ડ સોનુ જગલાન ઊતાર્યો હતો, પરંતુ તે શરૂઆતમાં આગળ વધવામાં નિષ્ફળ રહ્યો હતો. રાકેશ એચ.એસ. જાયન્ટ્સના બચાવમાં આવ્યો અને તેણે રિંકુ સિંહ પર બોનસ પોઇન્ટ અને રનિંગ હેન્ડ ટચ મેળવ્યો તથા તેની ટીમને 10-9 થી પાતળી લીડ અપાવી હતી.
મહેન્દ્ર સિંહની શાનદાર સુપર ટેકલ: જોકે મહેન્દ્ર સિંહની શાનદાર સુપર ટેકલને કારણે યુ મુમ્બાએ 11મી મિનિટે જ 12-10થી સરસાઈ મેળવી લીધી હતી. તેમની લીડ થોડા જ સમયમાં છ પોઇન્ટ સુધી પહોંચી ગઈ હતી કારણ કે સોનુને ડૂ ઓર ડાય રેઈડમાં સામનો કરવામાં આવ્યો હતો અને ગુમાન વધુ એક રેઇડ પોઇન્ટ સાથે છટકી ગયો હતો.
ફઝલનું શાનદાર પ્રદર્શન: એવું લાગતું હતું કે, યુ મુમ્બા બીજા હાફમાં આરામથી સરસાઈ જાળવી રાખશે, પરંતુ પાંચ મિનિટ બાકી હતી ત્યારે, ફઝલે બે ક્ષણનો જાદુ પેદા કર્યો. પહેલા, તે રેઇડ પર ગયો અને તેના હરીફ કેપ્ટન સુરિન્દર સિંહને વધુ સારી રીતે છકાવ્યો અને ત્યારબાદ સુપર ટેકલ સાથે જાયન્ટ્સને 16-18 ના સ્કોર પર રમતમાં પાછો લાવ્યો.
બીજા હાફમાં સોનુ ચમક્યો: બીજા હાફની શરુઆતમાં જ સોનુના પ્રથમ રેઇડ પોઇન્ટને કારણે જાયન્ટ્સે બરોબરી મેળવી લીધી હતી. તેના પર તેને કોઈ રોકી શક્યું નહીં કારણ કે સોનુએ યુ મુમ્બાને મેટ પર માત્ર એક જ માણસ પર ઘટાડવા માટે બે મોટા પોઇન્ટ - રિંકુ સિંહ અને મહેન્દ્રને ઝડપી લીધા હતા. યુ મુમ્બા ઓલ આઉટની નજીક હતા અને જાયન્ટ્સે 23-19થી સરસાઈ મેળવી લીધી હોવાથી એ બચાવવું અનિવાર્ય બન્યું હતું. રોક-સોલિડ ડિફેન્સના ટેકાથી સોનુના કેટલાક શાનદાર રેઈડને કારણે જાયન્ટ્સે 30 મિનિટના સ્કોર પર 30-22ની લીડ મેળવી લીધી હતી.
ઝફરદાનેશનો શાનદાર દેખાવ: ગુમાને ઉપરાઉપરી ત્રણ પ્રયાસો કર્યા હતા અને ઇરાનના ઓલરાઉન્ડર અમીરમહમ્મદ ઝફરદાનેશ અને પ્રણય રાણેના કેટલાક જોરદાર રેઈડે યુ મુમ્બાને 30-34ના સ્કોર પર રસાકસી ભર્યા અંતરે લાવી દીધા હતા. ઝફરદાનેશ રમતનો બે મિનિટથી પણ ઓછો સમય બાકી હતો ત્યારે શાનદાર દેખાવ કરતા ફઝલ અને મનુજને વટાવીને ઓલઆઉટ કરવા અને તેની ટીમને બરોબરી પર લાવવામાં સફળ થયો હતો.
સોનુએ અંતિમ મિનિટમાં ત્રણ-પોઇન્ટની સુપર રેઇડ લગાવી: જોકે સોનુએ રમતની અંતિમ મિનિટમાં ત્રણ-પોઇન્ટની સુપર રેઇડ લગાવીને જાયન્ટ્સને તેમની સતત ત્રીજી જીત તરફ દોરી જવા માટે ખૂબજ શાનદાર ત્રણ-પોઇન્ટની સુપર રેઇડ કરી હતી, અને આ સાથે તેણે ટ્રોટ પર તેની ત્રીજી સુપર 10 પણ લગાવી હતી.
આ પણ વાંચો:
