બર્મિંગહામઃ ભારતના હાઈ જમ્પર તેજસ્વિન શંકરે (Tejaswin Shankar) કોમનવેલ્થ ગેમ્સની (commonwealth games 2022) એથ્લેટિક્સ ઈવેન્ટમાં પુરુષોની હાઈ જમ્પ ઈવેન્ટમાં બ્રોન્ઝ મેડલ જીત્યો હતો. રાષ્ટ્રીય રેકોર્ડ ધારક શંકરે 2.22 મીટરની છલાંગ લગાવી (CWG 2022) હતી. તેજસ્વિન શંકરનું નામ રેકોર્ડ બુકમાં નોંધાયું છે. કોમનવેલ્થ ગેમ્સમાં હાઈ જમ્પમાં મેડલ જીતનાર તે પ્રથમ ભારતીય બન્યો હતો.
આ પણ વાંચો: સુરતનો હિરો કોમનવેલ્થમાં ચમક્યો, હરમીત દેસાઈ બન્યો 'ગોલ્ડન બોય'
ભારતીય ટીમમાંથી કાઢી મૂક્યો: દિલ્હી હાઈકોર્ટના નિર્દેશો પર ટીમમાં સામેલ 23 વર્ષીય શંકરની સિઝનમાં બેસ્ટ 2.27 અને વ્યક્તિગત (Tejaswin Shankar won bronze) બેસ્ટ 2.29m છે. તેજસ્વિન શંકર ત્રણ દિવસ પહેલા બર્મિંગહામ પહોંચ્યો હતો. એથ્લેટિક્સ ફેડરેશન ઓફ ઈન્ડિયાએ શરૂઆતમાં યુએસએમાં પ્રેક્ટિસ કરી રહેલા તેજસ્વિન શંકરને ભારતીય ટીમમાંથી કાઢી મૂક્યો હતો કારણ કે, તેણે ભારતની રાષ્ટ્રીય આંતર-રાજ્ય બેઠકમાં ભાગ લીધો ન હતો. આ પછી તેણે આ નિર્ણયને દિલ્હી હાઈકોર્ટમાં પડકાર્યો હતો.
આ પણ વાંચો: CWG 2022 લવપ્રીત સિંહે 109 કિગ્રા વેઇટલિફ્ટિંગ ફાઇનલમાં જીત્યું બ્રોન્ઝ મેડલ
2.25 મીટરની છલાંગ લગાવી: જો કે, ઇજાગ્રસ્ત રિલે રનર અરોકિયા રાજીવના સ્થાને તેજસ્વિન શંકરને આખરે 2022 કોમનવેલ્થ ગેમ્સ માટેની ભારતીય ટીમમાં સામેલ કરવામાં આવ્યો હતો. હવે તેજસ્વિને એથ્લેટિક્સ ફેડરેશન ઓફ ઈન્ડિયાને બતાવી દીધું છે કે, તેના પર વિશ્વાસ કરવો વ્યર્થ નથી. ન્યુઝીલેન્ડના હેમિશ કેરે ગોલ્ડ અને ઓસ્ટ્રેલિયાના બ્રેન્ડન સ્ટાર્કને સિલ્વર મેડલ મળ્યો હતો. બંનેએ 2.25 મીટરની છલાંગ લગાવી હતી.
