રાયપુરઃ રાજધાની રાયપુરના શહીદ વીર નારાયણ સિંહ ક્રિકેટ સ્ટેડિયમમાં રાયપુરમાં રોડ સેફ્ટી વર્લ્ડ સિરીઝ (Road Safety World Series 2022) ની ફાઇનલ મેચ ઇન્ડિયા લિજેન્ડ્સ અને શ્રીલંકા લિજેન્ડ્સ વચ્ચે (Final match India Legends vs Sri Lanka Legends) રમાશે. બીજી સેમીફાઈનલમાં વેસ્ટ ઈન્ડિઝ લિજેન્ડ્સે ટોસ જીતીને પ્રથમ ફિલ્ડિંગ કરવાનો નિર્ણય કર્યો હતો. શ્રીલંકાના દિગ્ગજોની બેટિંગ એટલી ખાસ નહોતી. શ્રીલંકા તરફથી ઈશાન જયરત્નેએ 19 બોલમાં 31 રન બનાવ્યા હતા. જીવન મેન્ડિસે 15 બોલમાં 25 રન બનાવ્યા હતા. શ્રીલંકા લિજેન્ડ્સની ટીમ 20 ઓવરમાં 9 વિકેટ ગુમાવીને 172 રન બનાવી શકી હતી અને વેસ્ટ ઈન્ડિઝને 173 રનનો લક્ષ્યાંક આપ્યો હતો. શ્રીલંકા તરફથી સનથ જયસૂર્યાએ 3 ઓવરમાં 26 રન આપીને 2 વિકેટ જ્યારે નુવાન કુલશેખરાએ 4 ઓવરમાં 26 રન આપીને 2 વિકેટ લીધી હતી.
શ્રીલંકા લિજેન્ડ્સની જીત: વેસ્ટ ઈન્ડિઝ લિજેન્ડ્સની ટીમની શરૂઆત પણ ખાસ રહી ન હતી. ડ્વેન સ્મિથે 24 બોલમાં 23 રન બનાવ્યા હતા. જ્યારે બેટિંગ કરતા નરસિંહ દેવનારાયણે 39 બોલમાં 63 રન બનાવ્યા હતા. વેસ્ટ ઈન્ડિઝ લિજેન્ડ્સ તરફથી ક્રિશમાર સંતોકી અને બિશોએ 2-2 વિકેટ લીધી હતી. આમ છતાં વેસ્ટ ઈન્ડિઝ 20 ઓવરમાં 7 વિકેટ ગુમાવીને 158 રન જ બનાવી શકી હતી. શ્રીલંકા લિજેન્ડ્સે વેસ્ટ ઈન્ડિઝ લિજેન્ડ્સને 14 રને હરાવ્યું હતું.
