ઈન્દોર: ભારતના સ્પિનર રવિચંદ્રન અશ્વિન નવીનતમ MRF Tires ICC મેન્સ ટેસ્ટ બોલિંગ રેન્કિંગમાં ટોચ પર પહોંચી ગયો છે. કારણ કે તેણે જેમ્સ એન્ડરસનને હરાવીને પ્રથમ સ્થાન મેળવ્યું છે. અશ્વિને ઓસ્ટ્રેલિયા સામેની બીજી ટેસ્ટમાં 6 વિકેટ લઈને બોલર તરીકે ICC મેન્સ ટેસ્ટ રેન્કિંગમાં ટોચનું સ્થાન હાંસલ કર્યું હતું. 36 વર્ષીય અશ્વિન અગાઉ 2015માં ટેસ્ટમાં નંબર-1 રેન્કિંગ બોલર બન્યો હતો. આ પછી પણ તેણે ઘણી વખત પોતાના માથાને નંબર 1નો તાજ શણગાર્યો છે.
જેમ્સ એન્ડરસન 859 રેટિંગ સાથે બીજા નંબર પર: આર અશ્વિને ઓસ્ટ્રેલિયા સામે ચાલી રહેલી બોર્ડર-ગાવસ્કર ટ્રોફી શ્રેણીની પ્રથમ બે મેચમાં શાનદાર પ્રદર્શન કર્યું હતું. અશ્વિન 864 રેટિંગ સાથે ટેસ્ટમાં નંબર 1 પર પહોંચી ગયો છે. જ્યારે જેમ્સ એન્ડરસન 859 રેટિંગ સાથે બીજા નંબર પર છે. આ સિવાય આર અશ્વિન પણ ઓલરાઉન્ડરોની યાદીમાં બીજા નંબર પર યથાવત છે.
આ પણ વાંચો IND vs AUS 3rd Test Match: ભારતનો પ્રથમ દાવ 109 રન પર જ થયો સમાપ્ત
ભારતીય બોલરોનો દબદબો: બોલરોની યાદીમાં રવિન્દ્ર જાડેજા એક નંબરનો ફાયદો થયો છે. તે 8મા સ્થાને પહોંચી ગયો છે. રવિન્દ્ર જાડેજાએ દિલ્હી ટેસ્ટમાં 10 વિકેટ લીધી હતી. તેને મેન ઓફ ધ મેચનો ખિતાબ પણ આપવામાં આવ્યો હતો. આ સિવાય તે ટેસ્ટ ઓલરાઉન્ડરોની યાદીમાં પ્રથમ સ્થાને છે. આ સાથે જ જસપ્રીત બુમરાહને પણ એક પોઈન્ટનો ફાયદો થયો છે. તે ચોથા સ્થાને પહોંચી ગયો છે.
અશ્વિનનું પ્રદર્શન: અશ્વિને ભારતીય ટીમ માટે અત્યાર સુધી 90 ટેસ્ટ મેચ રમી છે. તેણે આ 90 ટેસ્ટ મેચોની 170 ઇનિંગ્સમાં 463 વિકેટ લીધી છે. આ દરમિયાન તેણે 23,693 બોલ ફેંક્યા છે. આ સિવાય અશ્વિને 113 NDA મેચ રમી છે જેમાં તેણે 151 વિકેટ લીધી છે. તે જ સમયે, તેણે 65 T20 મેચ રમી છે જેમાં તેણે 72 વિકેટ લીધી છે.
