નવી દિલ્હી: ઈન્ડિયન પ્રીમિયર લીગની 45મી મેચ 3 મે, બુધવારના રોજ એકના ક્રિકેટ સ્ટેડિયમમાં બપોરે 3.30 વાગ્યાથી રમાશે. આ મેચમાં લખનઉ સુપર જાયન્ટ્સ ચેન્નાઈ સુપર કિંગ્સ સામે જીતવાના ઈરાદા સાથે મેદાનમાં ઉતરશે. લખનઉ સીએસકે સામે પોતાની પાછલી હારનો બદલો લેવાનો પ્રયાસ કરશે. આજની મેચમાં લખનૌની રમતમાં બદલાવ જોવા મળી શકે છે. કારણ કે લખનૌ ટીમના કેપ્ટન કેએલ રાહુલની ઈજાને લઈને સસ્પેન્સ ચાલુ છે. રાહુલની જગ્યાએ આ ડેશિંગ ખેલાડીને ટીમમાં તક મળી શકે છે. CSK મહેન્દ્ર સિંહ ધોનીના દાવ પર રમીને મેચને નામ આપવા ઈચ્છશે.
ચેન્નાઈ અને લખનૌ સામ સામે: આ ટૂર્નામેન્ટમાં ચેન્નાઈ અને લખનૌની ટીમ અત્યાર સુધી 9 મેચ રમી ચૂકી છે. આ 9 મેચોમાંથી બંને ટીમોએ 5-5 મેચ જીતી છે. આ સાથે પોઈન્ટ ટેબલમાં ચેન્નાઈ સુપર કિંગ્સ ચોથા નંબરે અને લખનૌ સુપર જાયન્ટ્સ ત્રીજા નંબરે છે. આજની મેચમાં લખનૌ પોતાની અગાઉની હારનો બદલો લેશે. 3 એપ્રિલે ચેન્નાઈમાં રમાયેલી મેચમાં ધોનીની CSKએ લખનૌની ટીમને 12 રને હરાવ્યું હતું. આ મેચમાં CSKએ લખનૌને 218 રનનો ટાર્ગેટ આપ્યો હતો. પરંતુ લખનૌ 20 ઓવરમાં 205 રન જ બનાવી શકી હતી.
આ પણ વાંચો: Kohli Gambhir Fight: "તે મારા પરિવારને ગાળો ભાંડી", ગંભીરે કોહલીને કેમ કહ્યું? જાણો ઝઘડાનું રહસ્ય
લખનૌની ટીમમાં આ ખેલાડીને મળશે તક: આજની મેચમાં લખનૌ સુપર જાયન્ટ્સના કેપ્ટન કેએલ રાહુલની ઈજાના કારણે તેના પ્રદર્શન પર શંકા છે. પરંતુ હજુ સુધી લખનૌ ફ્રેન્ચાઈઝી તરફથી આવી કોઈ માહિતી સામે આવી નથી. એવી અટકળો ચાલી રહી છે કે, KL રાહુલની જગ્યાએ કૃણાલ પંડ્યા લખનૌની ટીમની કેપ્ટનશીપ કરી શકે છે. સાથે જ લખનૌની પ્લેઈંગ ઈલેવનમાં પણ ફેરફાર જોવા મળી શકે છે. દક્ષિણ આફ્રિકાના ખેલાડી ક્વિન્ટન ડિકોકને ટીમમાં તક મળી શકે છે. ડિકોકે આ લીગમાં અત્યાર સુધી કોઈ મેચ રમી નથી. ડિકોકે IPL 2022માં 508 રન બનાવ્યા હતા. તેની ઇનિંગ્સમાં એક સદી અને 3 ફિફ્ટી સામેલ છે.
