દિલ્હી કેપિટલે પ્રથમ બેટીંગ કરતા રિસભ પંથના સર્વાધિક 38 રનની મદદથી ચેન્નઈ સુપર કિંગ્સને 148 રનનો લક્ષ્યાંક આપ્યો હતો. જેમાં ફેટ ડુ પ્લેસીસ અને શેન વોટસેનની અર્ધ સતકની મદદથી CSKએ DCને 6 વિકેટથી હરાવ્યું છે.
અગાઉ એલિમિનેટરની એલિમેટર મેચમાં દિલ્હીએ સનરાઈઝર હૈદરાબાદને 2 વિકેટથી હરાવ્યું હતું. જેથી IPLના ઈતિહાસમાં દિલ્હીએ પહેલીવાર પ્લેઓફમાં જીત મેળવી હતી. આજે ટકરાવનાર બંને ટીમમાં દિલ્હીની સરખામણીએ ચેન્નાઈ વધુ મજબૂત છે. બીજા ક્વાલિફાયર મુકાબલામાં દિલ્હી સામે ચેન્નાઈએ ટોસ જીતી પ્રથમ બેટિંગ માટે દિલ્હીને આમંત્રણ આપ્યું છે. ચેન્નાઈએ ટીમમાં એક ફેરફાર કર્યો છે. જેમાં મુરલી વિજયની જગ્યાએ ફાસ્ટ બોલર શાર્દુલ ઠાકુરને તક આપી છે. જ્યારે દિલ્હીએ પોતાની ટીમમાં કોઈ જ બદલાવ કર્યો નથી.
દિલ્હીને આજે ચેન્નાઈ સુપરકિંગ્સને હરાવવા ભારે મહેનત કરવી પડશે. જે બાદ જ પોતાની પહેલી આઈપીએલ ફાઈનલમાં પહોંચવાનો રસ્તો સ્પષ્ટ થશે. બીજી તરફ ચેન્નાઈ સુપર કિંગ્સ ત્રણ વાર ચેમ્પિયન બન્યું છે અને ચાર વખત રનર્સઅપ બન્યું છે.
