નવી દિલ્હીઃ વર્લ્ડ કપ 2023ની 38મી મેચ આજે નવી દિલ્હીના અરુણ જેટલી સ્ટેડિયમમાં બાંગ્લાદેશ અને શ્રીલંકા વચ્ચે રમાશે. ઈંગ્લેન્ડ અને બાંગ્લાદેશ સત્તાવાર રીતે વર્લ્ડ કપમાંથી બહાર થઈ ગયા છે. સાથે જ શ્રીલંકાને ઘણી ઓછી આશાઓ છે. પરંતુ તે ઘણી ટીમો પર આધાર રાખે છે. બંને ટીમો હવે પોતાની જીતનો સિલસિલો વધારવાના ઈરાદા સાથે વર્લ્ડ કપમાં ઉતરશે.
બંને ટીમો લગભગ વર્લ્ડ કપમાંથી બહાર: શાકિબ અલ હસનની આગેવાની હેઠળની ટીમ બાંગ્લાદેશ સતત 6 મેચ હારી છે. આ વર્લ્ડ કપમાં તે માત્ર એક જ મેચ જીતી શકી છે. બાંગ્લાદેશ પોઈન્ટ ટેબલમાં 9મા સ્થાને છે. પાકિસ્તાને તેની છેલ્લી મેચમાં બાંગ્લાદેશને 7 વિકેટે હરાવ્યું હતું. જેના કારણે તે ટૂર્નામેન્ટમાંથી બહાર થઈ ગઈ હતી. બીજી તરફ શ્રીલંકા પહેલા અફઘાનિસ્તાન સામે અને પછી ભારત સામે ખરાબ રીતે હાર્યું છે. તેમના બેટ્સમેનોના નિરાશાજનક પ્રદર્શનને કારણે તેમને ભારત સામે 302 રનની શરમજનક હારનો સામનો કરવો પડ્યો હતો.
પીચ રિપોર્ટઃ દિલ્હીના અરુણ જેટલી સ્ટેડિયમની પીચ સામાન્ય રીતે બેટિંગ માટે ફાયદાકારક છે. બેટ્સમેનોને આ પીચ પર બાઉન્ડ્રી ફટકારવાનું સરળ લાગે છે. કારણ કે પીચની સપાટી સૂકી છે અને બાઉન્ડ્રી નાની છે. જેમ જેમ મેચ આગળ વધશે તેમ સ્પિનરોને મદદ મળશે. અહીં ટોસ જીતનારી ટીમ પહેલા બેટિંગ કરવા માંગે છે.
હવામાન: મેચની શરૂઆતમાં વાદળછાયું અને ધૂંધળુ રહેવાની અપેક્ષા છે. દિવસનું તાપમાન 29 ડિગ્રી સેલ્સિયસ સુધી પહોંચી શકે છે. દિલ્હીમાં ભેજ લગભગ 28% રહેવાની ધારણા છે. Accuweather અનુસાર, આ રમતમાં વરસાદની કોઈ શક્યતા નથી. જો કે દિલ્હીમાં હવાની ખરાબ ગુણવત્તાના કારણે ખેલાડીઓ અને મેનેજમેન્ટ ચિંતિત હશે.સાંજ સુધીમાં તાપમાન ઘટીને 21 ડિગ્રી સેલ્સિયસની આસપાસ પહોંચી જશે. આગાહી મુજબ, ભેજનું સ્તર પણ 42% સુધી ચઢશે.
બંને ટીમોના સંભવિત 11 ખેલાડી
બાંગ્લાદેશ: તન્ઝીદ હસન, લિટન દાસ, નઝમુલ હુસૈન શાંતો, મુશફિકુર રહીમ (wk), મહમુદુલ્લાહ, શાકિબ અલ હસન (c), તૌહિદ હ્રદોય, મેહદી હસન મિરાજ, તસ્કીન અહેમદ, મુસ્તફિઝુર રહેમાન, શોરીફુલ ઈસ્લામ
શ્રીલંકા: પથુમ નિસાંકા, દિમુથ કરુણારત્ને, કુસલ મેન્ડિસ (કેપ્ટન, wk), સાદિરા સમરવિક્રમા, ચારિથ અસલંકા, એન્જેલો મેથ્યુસ, દુષણ હેમંથા, દુષ્મંથા ચમીરા, મહિષ થિક્ષાના, કસુન રાજીથા, દિલશાન મદુશંકા.
આ પણ વાંચો:
