સ્પોટ્સ ડેસ્ક: ICC મહિલા T-20 વિશ્વકપમાં 21 ફેબ્રુઆરીથી શરુ થશે. દુનિયાની સૌથી શ્રેષ્ઠ 10 ટીમો આ વિશ્વ કપમાં ભાગ લેશે. ઉલ્લેખનીય છે કે, મહિલા વિશ્વકપની પ્રથમ મેચ ભારત અને ઓસ્ટ્રેલિયા વચ્ચે 21 ફેબ્રુઆરીએ સિડનીમાં રમાશે.
મહિલા ટી-20 વિશ્વકપની સાતમી સીઝનની મેજબાની ઓસ્ટ્રેલિયા કરશે. વિશ્વકપની ફાઈનલ 8 માર્ચ અંતરરાષ્ટ્રીય મહિલા દિવસે રમાશે. આ વિશ્વ કપમાં થાઇલેન્ડની ટીમ પર સૌની નજર રહેશે. થાઇલેન્ડે બધાને ચોંકવતા આ વિશ્વકપમાં એન્ટ્રી મારી છે.
મહિલા વિશ્વકપની પ્રથમ સીઝન 2009માં રમાઇ હતી. પ્રથમ વિશ્વકપ ઇગ્લેન્ડે ન્યૂઝીલેન્ડને હરાવીને જીત્યો હતો. મહિલા ટી-20 વિશ્વકપના ઈતિહાસમાં એક જ વાર મેજબાન ટીમ વિજેતા બની છે.
