નવી દિલ્હીઃ ભારતીય હસ્તીઓમાં વિરાટ કોહલી કેટલાક સમય પહેલા નંબર-2 પર હતો, પરંતુ વિરાટ કોહલી ભારતીય પ્રખ્યાત હસ્તીઓમાં ઇન્સ્ટાગ્રામ પર ટોપના સ્થાને આવી ગયો છે. વર્ષ 2020ની શરૂઆત સુધી પ્રિયંકા ચોપરાના ઈન્સ્ટાગ્રામ ફોલોઅર્સમાં વિરાટ કોહલી કરતા આગળ હતી. વર્ષની શરૂઆતમાં પ્રિયકાના ઇન્સ્ટાગ્રામ પર 44.6 મિલિયન ફોલોઅર્સ હતા. જ્યારે ભારતીય કિક્રેટ ટીમના કેપ્ટન વિરાટના 41.1 મિલિયન ફોલોઅર્સ હતા, પરંતુ ફેબ્રુઆરીની મધ્યમાં વિરાટ કોહલી ઈન્સ્ટાગ્રામમાં ટોપના સ્થાને આવી ગયો છે.
ઇન્સ્ટાગ્રામના ફોલોઅર્સમાં ટોપ 10 ભારતીય હસ્તીઓમાં ફક્ત વિરાટ કોહલી જ ક્રિકેટર છે. મહેન્દ્ર સિંહ ધોનીના ઇન્સ્ટાગ્રામ પર 20.1 મિલિયન ફોલોઅર્સ છે. વિરાટ કોહલીની પત્ની અને બૉલિવૂડ અભિનેત્રી અનુષ્કા શર્માના 32.6 મિલિયન ફોલોઅર્સ છે. વિરાટ કોહલી સોશિયલ મીડિયામાં ઘણો એક્ટિવ રહે છે. જો કે, કોહલી ટીમના ખેલાડીઓ સાથે અને પત્ની અનુષ્કા શર્મા સાથે અનેક તસવીરો શેર કરતો રહે છે.
દુનિયાભરમાં ઇન્સ્ટાગ્રામ પર સૌથી વધારે ફોલોઅર્સની વાત કરવામાં આવે તો સ્ટાર ફુટબોલર ખેલાડી ક્રિસ્ટિયાનો રોનાલ્ડો પ્રથમ સ્થાને છે. રોનાલ્ડોના ઇન્સ્ટાગ્રામ પર 203 મિલિયન ફોલોઅર્સ છે. ઉલ્લેખનીય છે કે, આર્જેન્ટિનાના સ્ટાર ફુટબોલર લિયોનલ મેસીના ઇન્સ્ટાગ્રામ પર 143 મિલિયન ફોલોએર્સ છે.
