કરાંચીઃ પાકિસ્તાન ક્રિકેટ ટીમના પૂર્વ કેપ્ટન ઇન્ઝમામ ઉલ હકે જણાવ્યું કે, કોવિડ-19 મહામારીના કારણે ઓસ્ટ્રેલિયામાં યોજાનારો ICC T-20 વર્ડ કપ રદ કરવામાં આવશે અને તેના સ્થાને ઈન્ડિયન પ્રીમિયર લીગ(IPL)નું આયોજન કરવામાં આવશે તો પ્રશ્નો ઉદ્દભવશે જ. કોરોના વાઇરસના સંક્રમણને કારણે T-20 વર્ડ કપ રદ કરવામાં આવશે તેવી સંપૂર્ણ શક્યતા છે. આંતરરાષ્ટ્રીય ક્રિકેટ પરિષદ(ICC) દ્વારા ઓસ્ટ્રેલિયામાં 18 ઓક્ટોબરથી 15 નવેમ્બર સુધી યોજાનારો T-20 વર્ડ કપ અંગે કોઈ નિર્ણય કરવામાં આવ્યો નથી.
ઈન્ઝમામે રવિવારે એક નિવેદનમાં જણાવ્યું કે, એવી અટકળો છે કે, વર્લ્ડ કપની તારીખો ઈન્ડિયન પ્રીમિયર લીગ (IPL) અને ભારત-ઓસ્ટ્રેલિયા શ્રેણીની તારીખો સરખી હોવાથી T-20 વર્લ્ડ કપનું આયોજન થશે નહીં. ભારતીય બોર્ડ મજબૂત છે અને આંતરરાષ્ટ્રીય ક્રિકેટ કાઉન્સિલ (ICC) પર તેનું નિયંત્રણ છે. જો ઓસ્ટ્રેલિયા કહે કે, કોવિડ-19 મહામારીને કારણે અમે વર્લ્ડ કપનું આયોજન કરી શકતા નથી, તો તેમનું સ્ટેન્ડ સરળતાથી સ્વીકારવામાં આવશે, પરંતુ જો આવા સમયે IPL યોજાશે, તો પ્રશ્નો ઉભા થશે.
જો કે, પાકિસ્તાનના ભૂતપૂર્વ કોચે કબૂલ્યું હતું કે, T-20 વર્લ્ડ કપ દરમિયાન 16 ટીમોનું હોસ્ટિંગ કરવું સરળ રહેશે નહીં. ઇન્ઝામમે જણાવ્યું કે, ઓસ્ટ્રેલિયા કહી શકે કે, આ મોટી સ્પર્ધા માટે 18 ટીમો(16 ટીમો)નું હોસ્ટિંગ મુશ્કેલ હશે. પાકિસ્તાનની ટીમ હાલ ઇંગ્લેન્ડની હોટલમાં છે અને ત્યાં બધી સુવિધાઓ પૂરી પાડવામાં આવી રહી છે.
એશિયા કપનું આયોજન પણ એક મુદ્દો છે કે, પાકિસ્તાન ક્રિકેટ બોર્ડ (PCB) સુરક્ષાના કારણોસર તટસ્થ દેશમાં આયોજન કરી રહ્યું છે. આ ટૂર્નામેન્ટ સપ્ટેમ્બરમાં યોજાવાની હતી, પરંતુ તેના આયોજન અંગે હાલ કોઈ નિર્ણય લેવામાં આવ્યો નથી. પાકિસ્તાન માટે 120 ટેસ્ટમાં 8830 અને 378 વનડેમાં 11739 રન બનાવનારા 50 વર્ષીય ભૂતપૂર્વ બેટ્સમેને જણાવ્યું કે, લોકો વિચારે છે કે, જો દેશ 12થી 14 ટીમો (16 ટીમો)ને હોસ્ટ કરી શકે તો, ઓસ્ટ્રેલિયા ICC ટીમનું ધ્યાન કેમ રાખી શકતું નથી? અંતે ઓસ્ટ્રેલિયા એક આધુનિક દેશ છે.
