સિડની: ઓસ્ટ્રેલિયન ક્રિકેટ ટીમના કોચ જસ્ટિન લેંગરનું માનવુ છે કે, કોરોના વાઇરસ બાદ જો સ્થિતિમાં સુધાર આવે તો તે બંધ દરવાજા સાથે ખાલી સ્ટેડિયમમાં ક્રિકેટ રમાવવી જોઇએ.
તેઓએ વધુમાં જણાવતા કહ્યું કે, તેવું કરવું ફેન્સ માટે સારૂ રહેશે. જે કોરોના વાઇરસ બાદ આ દિવસોમાં ક્રિકેટ મેચ જોવાથી દુર રહ્યા છે.
લેંગરે મીડિયા સાથે વાતચીત કરતા જણાવ્યું કે, 'જ્યારે તમે ક્રિકેટ રમવાનુ શરૂ કરો, નાની ઉંમરમાં તે સમયે તમારી સામે ભીડ નથી હોતી.’
વધુમાં જણાવતા કહ્યું કે, 'તમે ત્યારે ક્રિકેટ રમ્યું કારણ કે, તમને ક્રિકેટ રમવુ પસંદ હતું. તમને તમારા મિત્ર સાથે રમવુ પસંદ પડે છે.
કોચનું કહેવુ છે કે, વધારે પડતા લગાવને કારણ લોકો ટીવી સેટ તથા રેડિયોના માધ્યમથી જોવા હાલમાં પણ તૈયાર છે. તેવામાં જ ખાલી સ્ટેડિયમમાં મેચ રમાવવી મહત્વ રહેશે. આ તકે લેંગરે એવુ પણ કહ્યું કે, 'આ થોડું અલગ તો છે, પરંતુ આપણે આ વાતને કોઇ પણ રીતે નજર અંદાજ ન કરવી જોઇએ કે આપણે કેટલા ભાગ્યશાળી છીએ.’
