હૈદરાબાદઃ કોરોના વાયરસની અસર સમગ્ર દુનિયામાં એક લાખથી વધારે લોકોને થઇ છે, ત્યારે આ વાયરસના કારણે હજારો લોકોએ પોતાનો જીવ પણ ગુમાવ્યો છે. ભારતમાં પણ કોરોના વાયરસથી પીડિતોની સંખ્યા દિવસેને દિવસે વધી રહી છે. જેના કારણે કેટલીય ટૂર્નામેન્ટને રદ કરવામાં આવી છે.
2008 બાદ પ્રથમ વખત આ બેડમિન્ટન એકેડમીને બંધ કરાઇ છે. અહીંયાથી કેટલાય સ્ટાર ખેલાડિયોએ તેમની કારકિર્દીને નવી દિશા આપી હતી. આ ઉપરાંત તેમજ ભારતીય બેડમિન્ટનને નવી ઉંચાઇ સુધી પહોંચાડવા માટે પણ આ એકેડમી કામ કરી રહી છે. 2008માં આની સ્થાપના બાદ પ્રથમ વખત આ એકેડમીને બંધ કરવામાં આવી છે. ભારતના મુખ્ય રાષ્ટ્રીય બેડમિન્ટન કોચ પુલેલા ગોપીચંદે 31 માર્ચ સુધી આના સંચાલનને મુલતવી રાખવાનો નિર્ણય લીધો છે. તેલંગણા સરકારે COVID-19નો ફેલાવો રોકવાના પ્રયાસમાં સૂચનાઓ જારી કરી હતી. જેના કારણે સ્પોર્ટસ ઓથોરિટિ ઓફ ઇન્ડિયા (SAI) અને બેડમિંટન એસોસિએશન ઓફ ઇન્ડિયાએ હૈદરાબાદમાં પોતાની એકેડમીને બંધ કરી છે.
પુલેલા ગોપીચંદે કહ્યું કે, ખેલાડિયો અને તેમના આસપાસના લોકોનુ સ્વાસ્થ્ય જ પ્રથમ પ્રાથમિકતા છે. SAI, BAI અને રાજ્ય સરકારના આદેશ અનુસાર એ સ્પષ્ટ છે કે, ઇનડોર, આઉટડોર સ્ટેડિયમને બંધ કરવા પડશે. SAI પણ પોતાની સુવિધાઓને બંધ કરી રહી છે. ખેલાડિયોની તાલીમ અંગે જ્યારે તેમને પૂછવામાં આવ્યુ તો તેમણે કહ્યું કે, અમને હજૂ સુધી કાંઇ પણ ખબર નથી. એકવાર બેડમિન્ટન વિશ્વ મહાસંધના ટૂર્નામેન્ટનુ શિડ્યુલ જાણવા મળે પછી અમે તે પ્રમાણે યોજના બનાવીશું. ત્યાં સુધી ખેલાડિયોને આરામ કરવાનો સમય મળશે.
ઉલ્લેખનીય છે કે, તેલંગણા સરકારે શનિવારે એક મેડિકલ એડવાઇજરી જાહેર કરીને બધી શૈક્ષણિક સંસ્થાઓ, થીએટર, જીમ, કોચિંગ સેન્ટર અને રમત-ગમતના મેદાનોને 31 માર્ચ સુધી બંધ કરવાનો આદેશ કર્યો છે.
