મુંબઈઃ અમિતાભ બચ્ચેને એક ફોર્ડ પર્ફેક્ટ વિન્ટેજ કારનો ફોટો શેર કર્યો છે. જેના અંગે મહાનાયકે પોતાના બ્લોગમાં લખ્યું કે, અલ્હાબાદમાં પરિવારની આ પહેલી કાર હતી.
ઉલ્લેખનીય છે કે, પીળા રંગની ફોર્ડ પર્ફેક્ટ વિન્ટેજ કારનું પ્રોડક્શન 1938થી 1961 દરમિયાન થતું હતું અને ઈંગ્લેન્ડ, ઓસ્ટ્રેલિયા, અમેરિકા, ન્યૂઝીલેન્ડ, આર્જેન્ટિના તથા કેનેડામાં આ કારનું વેચાણ થતું હતું.
અમિતાભના ફેન્સએ પણ અભિનેતાની આ કારનો ફોટો શેર કર્યો હતો. જેમાં અભિનેતા ડ્રાઈવિંગ સીટ પર બેઠા છે.
ઉલ્લેખનીય છે કે, 1991માં રિલીઝ થયેલી ફિલ્મ 'અકેલા'મા અમિતાભ પોતાની પીળી કારમાં જોવા મળ્યા હતા. આ કારને અમિતાભે 'રામપ્યારી' નામ આપ્યું હતું.
અભિનેતાના વર્ક ફ્રન્ટની વાત કરવામાં આવે તો, અભિનેતા ડિરેક્ટર અયાન મુખર્જીની ફિલ્મ ‘બ્રહ્માસ્ત્ર’મા કામ કરી રહ્યાં છે. આ ફિલ્મમાં રણબીર કપૂર અને આલિયા ભટ્ટ પણ જોવા મળશે.
