મુંબઈઃ લોકડાઉન સમયાં ઘરમાં જ રહેવાનું હોવાથી મોટા ભાગના લોકો અને સ્ટાર્સ આ ક્વોરનટાઈનને બિગ બોસ સાથે સરખાવી રહ્યાં છે. આ સાથે જ કહી રહ્યાં છે કે કવોરનટાઈનમાં બિગ બોસ જેવો અહેસાસા થઈ રહ્યો છે. એવામાં હિના ખાને બિગ બોસ અને ક્વોરનટાઈન સમય બંને અલગ અલગ અનુભવ હોવાનું જણાવ્યું છે.
હિના ખાને કહ્યું કે રિયાલીટી શૉ બિગ બોસમાં ભાગ લેવો અને ક્વોરનટાઈન સમય પસાર કરવો એ બંને અલગ અલગ અનુભવ છે. તેમણે કહ્યું કે બિગ બોસના ઘરમાં રહેવુ અને ક્વોરનટાઈન સમયમાં પોતાના ઘરે એ બંનેની તુલના ન થઈ શકે.
'એ રિશ્તા ક્યા કહેલાતા હે' થી લોકપ્રિયતા મેળવનાર હિના ખાને કહ્યું કે, ' બિગ બોસમાં ભાગ લઈ તે ઘરમાં રહેવા પોતના પ્રિયજનોથી દુર રહી પ્રતિયોગીઓ સાથે રહેવું પડે છે, જ્યારે આ ક્વોરનટાઈન સમયમાં આપણે પોતાના પરિવાર સાથે સમય વીતાવી શકીએ છીએ. જેથી બિગ બોસ અને ક્વોરનટાઈનની સરખામણી ન થઈ શકે.'
હિના ખાન હાલ મુંબઈમાં પોતાના પરિવાર સાથે સમય વિતાવી રહી છે. આ સાથે જ તે કુકિંગથી લઈ સાફ સફાઈ કરવી અને ઓનલાઈન સામાન જોવામાં સમય વીતાવી પોતાને વ્યસ્ત રાખી રહી છે.
