મુંબઈ: અભિનેત્રી માધુરી દિક્ષિતના ગીત ‘કેન્ડલ'ને અત્યાર સુધીમાં 70 લાખથી વધુ લોકો જોઈ ચૂક્યા છે. અભિનેત્રી આ ગીત કોરોનાના ફ્રન્ટલાઈન વર્કરોને સમર્પિત કરતા કહે છે કે, કોરોનાના અંધકારમાં તેઓ એક એવી રોશની છે જે સૌથી વધુ ચમકી રહી છે.
આ ગીતને તેણે લોસ એન્જલસમાં કોરોના લોકડાઉન પહેલા રેકૉર્ડ કર્યુ હતું.
- " class="align-text-top noRightClick twitterSection" data="
">
આ વિશે માધુરીએ જણાવ્યું કે, "દરેક વ્યક્તિ પોતાના જીવનમાં સંઘર્ષમાંથી પસાર થતી હોય છે. પરંતુ તે સમયમાં એવું વિચારવું જોઈએ કે તેનાથી હું વધુ મજબૂત બનીશ. હું આ જ વાત મારા ગીત દ્વારા કહેવા માંગતી હતી. માટે મે આ ગીત લખ્યું. ‘કેન્ડલ’ એ મારા માટે આશા, સકારાત્મકતા અને વિશ્વાસનું પ્રતીક છે."
“સ્વચ્છતા કર્મીઓ, પોલીસ જેવા અનેક ફ્રન્ટલાઈન વર્કરો કેન્ડલ બનીને કોરોનાના અંધકાર સામે આશાનું કિરણ બનીને આપણું રક્ષણ કરી રહ્યા છે. હું આ ગીતને તેમને સમર્પિત કરવા માંગુ છું.”
ઉલ્લેખનીય છે કે, આ ગીતનો વીડિયો માધુરીના ઘરમાં જ શૂટ કરવામાં આવ્યો છે. તેના બંને દીકરાઓએ પણ ગીત વિશેના પોતાના અભિપ્રાયો જણાવ્યા છે.
