મુંબઇ: મહેશ ભટ્ટના દિગ્દર્શનમાં બનેલી ફિલ્મ 'સડક-2'નું ટ્રેલર રિલીઝ થઈ ચૂક્યું છે. જેના થોડા કલાકો બાદ આ ટ્રેલરને મોટી સંખ્યામાં નાપસંદ કરવામાં આવી રહ્યું છે. રસપ્રદ વાત એ છે કે ટ્રેલર નાપસંદ કરનાર લોકો સાથે સાથે સંજય દત્તની માફી પણ માંગી રહ્યા છે.
સંજુબાબા પણ આ ફિલ્મની સ્ટાર કાસ્ટ માં સામેલ છે અને હાલમાં જ વિગતો સામે આવી છે કે તેમને ત્રીજા સ્ટેજનું ફેફસાનું કેન્સર છે. તેઓ તાજેતરમાં જ તેની સારવાર માટે વિદેશ જતા રહ્યા છે.
આ ફિલ્મને સુશાંત સિંહ રાજપૂત ના નિધન બાદથી જ 'નેપોટિઝમ પ્રોડક્ટ' તરીકે ગણવામાં આવી રહી હતી. સુશાંત ના ચાહકો આ ફિલ્મને બોયકોટ કરવાની સતત માગ કરી રહ્યાં છે.
'સડક-2'ના ટ્રેલરને યૂટ્યુબ પર 66 હજાર લોકોએ પસંદ કર્યું હતું અને 748 હજાર લોકોએ નાપસંદ કર્યું હતું. આ આંકડો હજુપણ આગળ વધે તેવી શક્યતાઓ છે.
આ ફિલ્મનું પ્રીમિયર ડિઝની પ્લસ હોટ સ્ટાર પર થવાનું છે જેના યૂટ્યુબ ચેનલ પર 29 હજાર લોકોએ ટ્રેલર લાઈક કર્યુ હતું અને 144 હજાર લોકોએ તેને ડિસ લાઈક કર્યુ હતું.
