મુંબઈઃ પંજાબી ગાયિકા હિમાંશી ખુરાનાને ‘બિગ બૉસ 13’ના પ્રતિસ્પર્ધી આસીમ રિયાઝે શૉમાં પ્રપોઝ કર્યુ હતું. જે તેણે ઘણું ફિલ્મી લાગ્યું હતું. તે શૉના એપિસોડમાં રશ્મિ સાથે આ તમામ વાતોને લઈ પોતાના વિચાર શેયર કરતી જોવા મળે છે.
હાલ, આ પ્રોગ્રામમાં સપોર્ટ વીક લ ટાસ્ક ચાલી રહ્યો છે. જેમાં પ્રતિસ્પર્ધીઓને સપોર્ટ કરવા માટે તેમના મિત્રો અને પરિવારના સભ્યો આવ્યાં છે. ત્યારે આસીમ રિયાઝને સપોર્ટ કરવા માટે શૉની એક્સ કન્ટેસ્ટન્ટ હિમાંશી ખુરાના આવી છે.
તે ઘરમાં પ્રવેશે તેની સાથે આસીમ હિમાંશી સામે પોતાના પ્રેમનો એકરાર કરે છે. ત્યારે હિમાંશી આ અંગે કમેન્ટ કરવાની ના પાડે છે. સાથે તેને ગેમ પર ફોકસ કરવા કહે છે. ત્યારબાદ આસીમ ઘૂંટણીએ બેસીને હિમાંશી સામે લગ્નનો પ્રસ્તાવ મૂકીને એકવાર ફરી પોતાની લાગણી વ્યક્ત કરે છે. છતાં તે કોઈ જવાબ આપતી નથી.
- " class="align-text-top noRightClick twitterSection" data="
">
આ શૉ એક પ્રોમો વીડિયો વાયરલ થયો છે. જેમાં પ્રતિસ્પર્ધી રશ્મિ દેસાઈ હિમાંશી સાથે વાત કરે છે. જેમાં તે હિમાંશીને કહે છે કે, "આસીમ તેને ખૂબ પ્રેમ કરે છે. જેના જવાબમાં હિમાંશી કહે છે કે, તેને આસીમનો પ્રપોઝલ ફિલ્મી લાગ્યુ હતું. તે આ સંબંધ વિશે બહાર જઈને વિચારીશ."
