મુંબઇ: સંજના સાંઘીએ સુશાંતસિંહ રાજપૂતની યાદમાં ભાવનાત્મક પોસ્ટ શેર કરી છે. આજે 14 જુલાઇએ સુશાંતના મૃત્યુને 30 દિવસ પૂરા થયાં છે. સંજના 'દિલ બેચારા' કો-સ્ટારની યાદમાં ભાવુક થઈ ગઈ હતી. તેણે સુશાંતને યાદ કરીને તેની ઇન્સ્ટા સ્ટોરી પર એક ભાવનાત્મક પોસ્ટ શેર કરી છે.અભિનેતાના મૃત્યુને આજે એક મહિનો વીતી ગયો છે. આવી સ્થિતિમાં તેમના પ્રિયજનો સોશ્યિલ મીડિયા દ્વારા પોસ્ટ્સ શેર કરીને તેમની લાગણી વ્યક્ત કરી રહ્યાં છે.
આ દરમિયાન સુશાંતની છેલ્લી ફિલ્મ 'દિલ બેચારા'ની સહ-અભિનેતા સંજના સાંઘીએ પણ તેમની ઇન્સ્ટા સ્ટોરી પર ભાવનાત્મક નોંધ લખી છે. જેમાં તેને સુશાંત અને તેના સપના યાદ આવ્યા. આ નોટમાં સંજનાએ એ કહેવાનો પ્રયત્ન કર્યો છે કે 1 મહિના પછી પણ વિશ્વાસ નથી થતો કે સુશાંતે દુનિયાને અલવિદા કહી દીધું છે. તેણે સુશાંતના કેટલાક સપનાનો પણ ઉલ્લેખ કર્યો છે અને લખ્યું છે કે, તે તેને પૂર્ણ કરવા માટે તમામ પ્રયત્નો કરશે.
