મળતી માહીતી મુજબ પરિણીતી આ ફિલ્મ માટે મહેનત કરી રહી છે. તેણે આ માટે બેડમિન્ટન પણ શીખી રહી છે. તેણે કહ્યું કે, શૂટિંગ ટૂંક સમયમાં શરૂ થવાની છે.પરિણીતી ચોપરા 11 ઓક્ટોબરથી સાઈના નેહવાલની બાયોપિક ફિલ્મનું શૂટિંગ શરૂ કરશે.
સાઈનાએ પરિણીતીની તસવીર શેર કરીને પોસ્ટ કર્યું હતું કે તે આ યાત્રાની સાથે મળીને રાહ જોઈ રહી છે. તે સાઈના નેહવાલ બાયોપિક ટીમને શુભેચ્છા પાઠવે છે. આ પોસ્ટ પર પરિણીતીએ કમેન્ટ કરતા કહ્યું હતું કે, તે ઘણી જ નર્વસ છે. ઉલ્લેખનીય છે કે આ ફિલ્મને અમોલ ગુપ્તે ડિરેક્ટ કરી રહ્યાં છે અને ભૂષણ કુમાર પ્રોડ્યૂસર છે. ફિલ્મમાં કોચ ગોપીચંદની ભૂમિકામાં માનવ કૌલ છે.
છેલ્લે પરિણીતીની ફિલ્મ ‘જબરિયા જોડી’ રિલીઝ થઈ હતી. આ ફિલ્મમાં તેની સાથે સિદ્ધાર્થ મલ્હોત્રા હતો. આ ફિલ્મ બોક્સ ઓફિસ પર સુપરફ્લોપ રહી હતી. હાલમાં જ પરિણીતીએ હોલિવૂડ ફિલ્મ ‘ધ ગર્લ ઓન ધ ટ્રેન’ની હિંદી રીમેકનું શૂટિંગ પૂર્ણ કર્યું હતું.
