મુંબઇ: ફિલ્મ 'સડક-2'નું ટ્રેલર દુનિયામાં ત્રીજું સૌથી વધુ ડિસ લાઈક ધરાવનારું ટ્રેલર બની ગયું છે. ભારતમાં યુટ્યુબ પર તેને સૌથી વધુ ડિસ લાઈક મળી છે.
એક રિપોર્ટ અનુસાર લગભગ 90 લાખથી વધુ ડિસ લાઈક સાથે 'સડક-2' ત્રીજા સ્થાન પર છે જ્યારે દ્વિતીય સ્થાન પર પોપ સિંગર જસ્ટિન બીબરનું ગીત 'બેબી' છે અને પ્રથમ નંબર પર 1.82 કરોડ ડિસ લાઈક સાથે યુટ્યુબ દ્વારા જ પોસ્ટ થયેલો વીડિયો '2018 રિવાઇન્ડ' છે.
- " class="align-text-top noRightClick twitterSection" data="">
12 ઑગસ્ટે રિલીઝ થયેલા 'સડક-2'ના ટ્રેલરને નેપોટિઝમના વિવાદને પગલે ટ્રોલ કરવામાં આવી રહ્યું છે. અભિનેતા સુશાંત સિંહ રાજપૂતના નિધન બાદથી બોલિવૂડમાં નેપોટિઝમનો મુદ્દો ઘણો ચર્ચામાં છે.
'સડક-2'માં આલિયા અને પૂજા ભટ્ટ સાથે સંજય દત્ત અને જાણીતા નિર્માતા સિદ્ધાર્થ રોય કપૂરના નાના ભાઈ આદિત્ય રોય કપૂરે કામ કર્યું છે.
