15 ઓગસ્ટ 2019ના રોજ સિનેમાઘરોની સ્ક્રીન પર બાહુબલી પ્રભાસ ફિલ્મ 'સાહો' સાથે હાજર થવા જઈ રહ્યા છે. 15 ઓગસ્ટના રોજ સિનેમાઘરોમાં ઘમસાણ થશે. પ્રભાસની સાહોની ટક્કર અક્ષય કુમારની 'મિશન મંગલ' અને જૉન અબ્રાહમની 'બાટલા હાઉસ' સાથે થશે.
નિર્માતાઓએ 'સાહો'નું પોસ્ટર શેર કર્યું છે, જેમાં પ્રભાસની હાજરી ખુબ જ જોરદાર છે. પોસ્ટરથી જ તેમની રિલીઝ ડેટ જાહેર કરી છે. પ્રભાસ સાથે આ ફિલ્મમાં બૉલીવુડની આશિકી ગર્લ શ્રદ્ધા કપૂર મુખ્ય ભૂમિકામાં જોવા મળશે.
આ ફિલ્મ જોરદાર એક્શન સીનવાળી હશે. પ્રભાસ અને શ્રદ્ધા કપૂર સિવાય આ ફિલ્મમાં નીલ નિતિન મુકેશ, જેકી શ્રોફ, મંદિરા બેદી, અરુણ વિજય, સંપત રાજ જેવા એક્ટરો જોવા મળશે. આ ફિલ્મ સુજીતના નિર્દેશનમાં બની રહી છે. આ ફિલ્મ તમિલ, તેલુગૂ અને હિન્દી ભાષામાં રિલીઝ થશે.
