મુંબઇઃ બૉલિવૂડ એક્ટ્રેસ રવીના ટંડને પોતાના ફેન્સને સોશિયલ મીડિયા અકાઉન્ટ્સ દ્વારા દરરોજ અપડેટ કરતી રહે છે. તે પોતાને વ્યસ્ત રાખવા માટે અને ફેન્સને જાણકારી આપવા માટે નવી નવી વસ્તુઓ કરતી રહે છે. હાલમાં જ રવીનાએ ઇન્સ્ટાગ્રામ પર પોતાનો એક ટિક ટૉક વીડિયો શેર કર્યો હતો, જે ખૂબ જ મજેદાર હતો.
- " class="align-text-top noRightClick twitterSection" data="
">
આ વીડિયોમાં રવીના શાકભાજી સાફ કરતી, સોફા પર કુદતી, જમીન પર સુતેલી અને મેકઅપ લગાવતી જોવા મળે છે. જ્યારે બેકગ્રાઉન્ડમાં એક ગીત પણ વાગતું સંભળાય છે. આ વીડિયોમાં તેના પેટ્સ (કુતરો અને બિલાડી) પણ ગેસ્ટ અપીયરન્સમાં તેની સાથે મસ્તી કરતા જોવા મળી રહ્યા છે. રવીનાએ આ વીડિયોના કૈપ્શનાં લખ્યું છે કે, 'હવે સેટરડે નાઇટ ફન, #ટિકટૉક...'
તમને જણાવીએ તો કોરોના વાઇરસને લીધે દેશમાં 3 મે સુધી લૉકડાઉન લાગુ કરવામાં આવ્યું છે. એવામાં લોકો ઘરમાં જ રહેવા મજબુર બન્યા છે. બૉલિવૂડ સ્ટાર્સ પણ ઘરમાં બંધ છે અને નવા-નવા વીડિયો દ્વારા પોતાના ફેન્સને મનોરંજન પુરૂં પાડતા રહ છે.
હવે વાત કરીએ રવીનાના વર્ક ફ્રન્ટની તો KGF-ચેપ્ટર 2 ફિલ્મમાં તે જોવા મળશે. તેની સાથે સંજય દત્ત પણ હશે. રવીનાના ફેન્સ આ ફિલ્મની ખૂબ જ આતુરતાથી રાહ જોઇ રહ્યા છે. જો કે, લૉકડાઉનને લીધે આજકાલ ફિલ્મી પરદા પર કોઇ પણ ફિલ્મ રીલિઝ થઇ રહી નથી.
