આ કપલ શુક્રવારે ફ્રાંસીસી શહેરમાં હાથોમાં હાથ નાખીને હંમેશાની જેમ જોવા મળ્યું હતું. તસ્વીરોમાં પ્રિયંકા અને પતિ નિક જોનાસ રોયલ લુકમાં જોવા મળ્યા હતા. પ્રિયંકાએ પોતાના ઈન્સ્ટાગ્રામ એકાઉન્ટ પર પણ પતિ નિકની સાથે એક તસ્વીર શેર કરી છે, જેમાં લખ્યું છે કે, 'મેરી ખુશિયા તુમસે હી હૈ નિક (મારી ખુશીઓ તારાથી જ છે નિક)'.
તમને જણાવી દઈએ કે, આ પહેલા મેટ ગાલા-2019માં પ્રિયંકા ચોપડા પતિ નિક જોનાસની સાથે જોવા મળી હતી. આ દરમિયાન બંને મેટ ગાલાની થીમ પ્રમાણે જોવા મળ્યા હતા. જો કે, પ્રિયંકા તેના પોશાકને લઈને સોશિયલ મીડિયા પર મીમ્સ બન્યા હતા. તેમ છતા આ સ્ટાર કપલની કેમેસ્ટ્રી પણ લોકોને ઘણી પસંદ આવી હતી.
તેમના કામ અંગે વાત કરીએ તો, એક્ટ્રેસ લાંબા સમય બાદ બોલીવુડમાં વાપસી કરવા જઈ રહી છે. સોનાલી બોઝની આવી રહેલી ફિલ્મ 'ધી સ્કાય ઈઝ પિંક'માં એક્ટ્રેસ મુખ્ય ભૂમિકામાં જોવા મળશે. જ્યારે આ ફિલ્મમાં ફરહાન અખ્તર અને જાયરા વસીમ પણ મુખ્ય ભૂમિકામાં જોવા મળશે.
