મુંબઇ: સુશાંત સિંહ રાજપૂતના આત્મહત્યા કેસમાં પોલીસ લાગી ગઇ છે. પોલીસ એક પછી એક સુશાંત સાથે સંકળાયેલા લોકોની પૂછપરછ કરી રહી છે અને આ વખતે 30 મા અને એક અગત્યનું નામ સંજય લીલા ભણસાલી છે.
સંજય લીલા ભણસાલીની સુશાંત સિંહ રાજપૂત સાથે પહેલી વાર ત્યારે થઇ જ્યારે ભણસાલી પ્રોડક્શન હેઠળ બવી રહેલી ટીવી સીરિયલ સરસ્વતીચંદ્રના ઑડિશન આપવા માટે આવ્યા હતા.
તે સમયે સંદીપ સિંહ ભણસાલી પ્રોડક્શનમાં સીઈઓ હતા, તે સમયે સુશાંતને સરસ્વતીચંદ્ર માટે કાસ્ટ કરી શકાયા ન હતા પરંતુ એક દોસ્તી ચોક્કસપણે થઇ ગઇ હતી.
ભણસાલીએ થોડા સમય પછી સુશાંતને બે ફિલ્મોની ઓફર કરી, જે 100 કરોડની ક્લબમાં સુપરહિટ બની, પરંતુ એવું શું થયું જેના કારણે સુશાંત સિંહ રાજપૂતે આ ફિલ્મો છોડી દીધી?
આ પ્રશ્ન દરેકના મગજમાં વારંવાર ઉઠી રહ્યો છે. આ પ્રશ્નોને ઉકેલવા માટે સંજય લીલા ભણસાલીની બાન્દ્રા પોલીસ સ્ટેશનમાં 3 કલાક અને ત્યારબાદ આશરે 1 કલાક સાંતાક્રુઝ પોલીસ સ્ટેશનમાં પૂછપરછ કરવામાં આવી હતી.
સૂત્રોના જણાવ્યા અનુસાર સંજય લીલા ભણસાલી બાન્દ્રા પોલીસ સ્ટેશનમાં 3 કલાકની પૂછપરછ બાદ સાન્તાક્રુઝ પોલીસ સ્ટેશન પહોંચ્યા હતા, જ્યાં તેમની ઝોનલ ડીસીપી અભિષેક ત્રિમુખેની દેખરેખ હેઠળ એક કલાક માટે અલગથી પૂછપરછ કરવામાં આવી હતી.
ભણસાલીને કુલ 30 થી 35 પ્રશ્નો પૂછવામાં આવ્યા હતા જેમાં તેમને પૂછવામાં આવ્યું હતું કે શું સુશાંત સિંહ રાજપૂત રામલીલા અને બાજીરાવ મસ્તાનીમાંથી સુશાંતને રિપ્લેસ કરાતા તે ડિપ્રેશનમાં ગયા? સુશાંતે ક્યારેય આ વિશે વાત કરી હતી?
તેના જવાબમાં સંજય લીલા ભણસાલીએ કહ્યું - મેં સુશાંતને કોઈ પણ ફિલ્મમાંથી નહોતો કાઢયો, ન તો તેમને રિપ્લેસ કરવામાં આવ્યો. યશરાજ ફિલ્મ સાથે કરાર કરેલો હોવાથી તે ભણસાલીની ફિલ્મમાં કામ કરી શક્યો નહીં, તેથી તેણે સ્પષ્ટ ઇનકાર કરી દીધો હતો. જોકે સુશાંતને પણ આ માટે અફસોસ હતો. ભણસાલીએ કહ્યું કે સુશાંત અને તેઓ ભવિષ્યમાં સાથે મળીને એક પ્રોજેક્ટ પર કામ કરવા સંમત પણ થયા હતા.
રામલીલા પછી, ભણસાલીએ તેના આગામી પ્રોજેક્ટ માટે કામ શરૂ કર્યું. બાજીરાવ મસ્તાની, ફિલ્મની કાસ્ટિંગમાં, ભણસાલી ફરી એકવાર સુશાંત સિંહ રાજપૂતને કાસ્ટ કરવા માંગતા હતા, પરંતુ તે સમયે સુશાંત પણ દિગ્દર્શક શેખર કપૂર અને યશ રાજના બેનર હેઠળ બનાવવામાં આવી રહેલી ફિલ્મ 'પાની' ના વર્કશોપ અને શેડ્યૂલમાં વ્યસ્ત હતો અને સુશાંતે પોતાના વ્યસ્ત શિડ્યુલને કારણે ફિલ્મ કરવાની ના પાડી હતી.
4 કલાકની પૂછપરછ બાદ સંજય લીલા ભણસાલી પાછા તેના ઘરે ગયા. હવે આ કેસમાં બીજી અગત્યની કડી છે શેખર કપુર, જેની સાથે સુશાંત સિંહ રાજપૂતે યશરાજની ફિલ્મ 'પાની' માટે ઘણી તૈયારીઓ કરી હતી, પરંતુ દુ: ખની વાત છે કે આ ફિલ્મ ક્યારેય બની શકી નથી.
