નેટફ્લીક્સ સીરીઝ 'સેક્રેડ ગેમ્સ'ને ઇન્ટરનેશનલ એમી એવૉર્ડઝ 2019માં બેસ્ટ ડ્રામા સેક્શનમાં નોમિનેટ કરવામાં આવી છે. આ ઇન્ટરનેશનલ ઇવેન્ટ 25 નવેમ્બરે આયોજીત થશે. કુબરાએ આ વિશે જણાવ્યું, "હું 'સેક્રેડ ગેમ્સ'નું પ્રતિનિધીત્વ કરવા માટે ખૂબ જ ઉત્સાહિત છું. આ શોએ સમગ્ર દુનિયામાં દરેકને પ્રભાવિત કર્યા છે.
અભિનેત્રીએ આગળ જણાવ્યું, "આ શોનું આંતરરાષ્ટ્રીય સ્તરે પ્રતિનિધિત્વ કરવું અને ક્રૂના સભ્યો સાથે આ ક્ષણોને ફરી જીવવી એ પોતાનામાં જ એક એવોર્ડ સમાન છે. કુબરાએ સીરીઝમાં ટ્રાન્સજેન્ડર 'કુક્કૂ'ની ભૂમિકા ભજવી હતી. જેની ઘણી પ્રશંસા થઇ હતી. દર્શકો તરફથી મળેલા પ્રેમની તે આભારી છે. 'સેક્રેડ ગેમ્સ' પછી તેનું જીવન બદલાઇ ગયું છે.
