- કરીના, કરણ જોહર, પ્રતિક ગાંધી, મલાઈકા, અર્જુન દેખાશે આ શોમાં
- ડિસ્કવરી પ્લસ ચેનલ પર 15 એપ્રિલથી થશે પ્રસારિત
- અનેક બોલિવૂડ હસ્તીઓ 'સ્ટાર વર્સસ ફૂડ' શોમાં દેખાડશે તેમની રસોઈકળા
મુંબઈ: કરીના કપૂર ખાન, કરણ જોહર, પ્રતીક ગાંધી, અર્જુન કપૂર અને મલાઈકા અરોરા જેવી બોલિવૂડ હસ્તીઓ 'સ્ટાર વર્સસ ફૂડ' નામના શોમાં પોતાની રસોઈ કુશળતા પ્રદર્શિત કરતી જોવા મળશે. કરીનાએ કહ્યું કે, 'કપૂર્સ માટે ફૂડ હંમેશા જૂનૂન રહ્યું છે. એક તત્વ છે જે આપણે બધાને સાથે લાવે છે અને મોટાભાગના પરિવારોની જેમ કોઈ પણ ખાસ પ્રસંગ માટે કેન્દ્ર બિંદુ બની જાય છે. સારો ખોરાક હંમેશા ખુશી આપે છે અને મને ઇટાલિયન ખોરાક ખુબ જ પસંદ છે. એના માટે હું મારી ગર્ભાવસ્થા દરમિયાન સૌથી વધુ તડપી હતી.
કરીનાની પિઝ્ઝા બનાવવાની કળાને પરફેક્ટ કરવાની તક મળી
અભિનેત્રીએ શેર કર્યું કે, આ શોએ તેમને ખરેખર પિઝ્ઝા બનાવવાની કળાને પરફેક્ટ કરવાની તક આપી હતી.
આ પણ વાંચો: અજય દેવગન-કાજોલની પુત્રી ન્યાસાએ હિટ બોલિવૂડ ગીતો પર ડાન્સ કર્યો, વીડિયો વાયરલ
બાળકો મોટા થતાં શોખ બદલ્યા
ફિલ્મ નિર્માતા કરણ જોહરે કહ્યું કે, તેઓ ક્યારેય રસોઈ બનાવવા માટે ઉત્સુક નહોંતા પરંતુ જ્યારે તેમના બાળકો મોટા થવા લાગ્યા ત્યારે તેમના મૂડમાં બદલાવ આવ્યો. તેમણે આગળ કહ્યું કે, 'શેફ લખનના માર્ગદર્શન હેઠળ રસોઈ બનાવવી એ મારા માટે આંખ ખોલાવનારો અનુભવ હતો અને મેં તેની દરેક મિનિટનો સંપૂર્ણ આનંદ માણ્યો હતો. આ અનુભવ માટે આભાર!
આ પણ વાંચો: કરીના કપુરે ઈન્સ્ટાગ્રામ પર પોતાની તસવીર શેર કરીને લખ્યું, "હું 2021ની રાહ જોઈ રહ્યી છું"
શો ડિસ્કવરી પ્લસ ચેનલ પર 15 એપ્રિલથી પ્રસારિત
'સ્કેમ 1992: હર્ષદ મહેતા સ્ટોરી'ના અભિનેતા પ્રતીક ગાંધી કહે છે કે, તેનું શેડ્યૂલ ભાગ્યે જ તેમને પોતાને માટે અથવા પોતાના પરિવાર માટે રસોઈ બનાવવાનો સમય આપે છે. આ શો ડિસ્કવરી પ્લસ ચેનલ પર 15 એપ્રિલથી પ્રસારિત થશે.
