નવી દિલ્હી : બોલિવૂડ અભિનેત્રી કરીના કપૂર હાલમાં જ સોશિયલ મીડિયા પ્લેટફોર્મ ઈન્સ્ટાગ્રામ દ્વારા તેના મિત્ર સાથે સંપર્કમાં જોડાઇ છે. જેથી કરીનાથી તેના ચાહકો ખૂબ ખુશ છે. કરીના કપૂર ઈન્સ્ટાગ્રામ પર ખૂબ જ એક્ટિવ છે. અભિનેત્રી ઘણીવાર ફોટા અને વીડિયો શેર કરતી જોવા મળે છે. તાજેતરમાં, કરીના કપૂરે તેના ઇન્સ્ટાગ્રામ એકાઉન્ટ પર કેટલાક ફોટા શેર કર્યા હતા. આ તસવીરોમાં જ્યાં સૈફ અલી ખાન પુસ્તક વાંચતા નજરે પડે છે, ત્યાં કરીના ફોન ચલાવતા નજરે પડી રહી છે. કરીના અને સૈફની આ તસવીરો સોશિયલ મીડિયા પર ખૂબ જ વાયરલ થતી જોવા મળી રહી છે.
અભિનેત્રી કરીના કપૂરે ફોટોની સાથે એક કેપ્શન પણ આપ્યું છે અને જે ખૂબ રમુજી છે. તેની અને સૈફ અલી ખાનની શેર કરેલી ફોટોના કેપ્શનમાં લખ્યું છે, કે "લાગે છે કે તે આ અઠવાડિયા માટે 'બુક' છે અને હું ઇન્સ્ટાગ્રામ માટે. ' ચાહકોની સાથે અન્ય સેલેબ્રીટીઓએ પણ કરીના કપૂરના આ ફોટા પર કોમેન્ટો કરી હતી.
જો કરીનાના કામની વાત કરીવામાં આવે તો, તાજેતરમાં જ કરીના કપૂર અક્ષય કુમારની સાથે ફિલ્મ ગુડ ન્યુઝમાં જોવા મળી હતી. આ ફિલ્મમાં કરીનાની સાથે સાથે દિલજીત દોસાઇ અને કિયારા આડવાણી પણ મુખ્ય પાત્રમાં જોવા મળ્યા હતા. તેમજ આ ફિલ્મ બોકસ ઓફિસ પર સુપરહિટ રહી હતી. જયારે હવે થોડા સમય બાદ કરીના કપૂર અભિનેતા આમિરખાનની સાથે ફિલ્મ લાલ સિંહ ચઠ્ઠાંમા જોવા મળશે.
