- મુંબઇ પોલીસે કંગના રનૌત અને તેની બહેન રંગોલીને ત્રીજી નોટિસ ફટકારી
- બાન્દ્રા પોલીસની તપાસમાં સામેલ થવા જણાવ્યું
- બે સમુદાયો વચ્ચે શત્રુતા વધારવાનો આરોપ
મુંબઇ (મહારાષ્ટ્ર): મુંબઇ પોલીસે બુધવારે અભિનેત્રી કંગના રનૌત અને તેની બહેન રંગોલી ચંદેલને બે સમુદાયો વચ્ચે શત્રુતા વધારવાના આરોપમાં નિવેદન દાખલ કરાવવા માટે ત્રીજી વખત 23 અને 24 નવેમ્બરે સમન જાહેર કર્યું છે.
પોલીસે અહીંના બાન્દ્રા મેટ્રોપૉલિટન મજિસ્ટ્રેટ કોર્ટના નિર્દેશ પર કંગના અને રંગોલી વિરૂદ્ધ રાજદ્રોહનો કેસ દાખલ કર્યો છે.
કંગના અને રંગોલીને ત્રીજી નોટિસ ફટકારી
પોલીસ કમિશ્નર અભિષેક ત્રિમુખે કહ્યું કે, અમે કંગના અને રંગોલી ચંદેલને ત્રીજી નોટિસ ફટકારી છે અને તેમણે બાન્દ્રા પોલીસની તપાસમાં સામેલ થવા અને સહયોગ આપવા જણાવ્યું છે.
પૂછપરછ માટે રજૂ થવામાં અસમર્થ
કંગનાના વકીલ રિઝવાન સિદ્દિકીએ આ પહેલા બે નોટિસનો જવાબ આપતા કહ્યું હતું કે, તેમની ક્લાયન્ટ પૂછપરછ માટે રજૂ થવામાં અસમર્થ છે, કારણ કે, તે 15 નવેમ્બર સુધી હિમાચલ પ્રદેશમાં પોતાના ભાઇના લગ્નમાં વ્યસ્ત છે.
બે સમુદાયો વચ્ચે દરાર ઉત્પન્ન કરવાનો આરોપ
આ કેસમાં ફરિયાદકર્તા મુનવ્વર અલીએ રનૌત પર લોકોના મગજમાં બૉલિવૂડની ખરાબ છબી બનાવવા અને બે સમુદાયોના લોકો વચ્ચે સાંપ્રદાયિક વિભાજન અને તકરાર ઉભી કરવાનો આરોપ લગાવ્યો છે.
વિભાજન કરવાના હેતુથી કર્યું ટ્વીટ
તેમણે પોતાની ફરિયાદમાં દાવો કર્યો હતો કે, રનૌત પોતાના બધા જ ટ્વીટમાં દુર્ભાવનાપૂર્વક, ધર્મને લાવી રહી છે. અલીએ આરોપ લગાવ્યો હતો કે, રનૌતની મેનેજરના રુપે કામ કરનારી ચંદેલે પણ સાંપ્રદાયિક વિભાજન કરવાના હેતુથી ટ્વીટ કર્યું હતું.
કંગના અને રંગોલી વિરૂદ્ધ FIR દાખલ
પોલીસે રનૌત અને તેની બહેન રંગોલી ચંદેલ વિરૂદ્ધ ભારતીય દંડ સંહિતાની કલમ 153-A, 295-A અને 124-A, 34 હેઠળ એક FIR દાખલ કરી છે. પોલીસે તેની સાથે જ કંગના અને તેની બહેરને પોલીસ સમક્ષ રજૂ થવા પણ કહ્યું છે.
