- રાજ કુંદ્રાને આજે કોર્ટમાં રજૂ કરવામાં આવશે
- શિલ્પાને પણ ટ્રોલ કરવામાં આવી રહી છે
- શિલ્પા શેટ્ટીની ફિલ્મ હંગામા 2 હોટસ્ટાર પર રિલીઝ થશે
મુંબઇ: બોલિવુડ અભિનેત્રી શિલ્પા શેટ્ટી (Bollywood actress Shilpa Shetty)ના ઉદ્યોગપતિ પતિ રાજ કુંદ્રા (Raj Kundra)ની અશ્લીલ ફિલ્મો (pornographic films) બનાવવાના કેસમાં મુંબઈ પોલીસે (Mumbai Police) સોમવારે ધરપકડ કરી હતી. રાજ કુન્દ્રાની જેજે હોસ્પિટલમાં મુંબઇ પોલીસે મેડિકલ તપાસ કરાવી હતી. પોર્નોગ્રાફીના કેસમાં નામ સામે આવ્યા બાદ રાજ કુંદ્રાની ઈમેજની સોશિયલ મીડિયા પર ધજ્જીયા ઉડી રહી છે. શિલ્પાને પણ ટ્રોલ કરવામાં આવી રહી છે.
રાજ કુંદ્રાને આજે કોર્ટમાં રજૂ કરવામાં આવશે
બોલિવૂડના સૌથી લોકપ્રિય દંપતી રાજ કુંદ્રા અને શિલ્પા શેટ્ટી માટે આજે 23 જુલાઈનો દિવસ ખૂબ મહત્વનો છે. બંનેની કારકિર્દી આ દિવસે દાવ પર છે. એક તરફ પોર્નોગ્રાફીના કન્ટેન્ટ કેસમાં જેલની સલાખો પાછળ બેઠેલા રાજ કુંદ્રાને આજે કોર્ટમાં રજૂ કરવામાં આવશે. તેની ધરપકડ બાદ તેને 3 દિવસ પોલીસ કસ્ટડીમાં મોકલવામાં આવ્યો હતો. આ મામલે વધુ સુનાવણી શુક્રવારે હાથ ધરવામાં આવશે. બીજી બાજુ શિલ્પા શેટ્ટી 14 વર્ષ પછી ફિલ્મોમાં પરત ફરી છે. તેમની ફિલ્મ હંગામા 2 આ દિવસે ડિઝની હોટસ્ટાર પર રિલીઝ થઈ રહી છે.
શિલ્પા-રાજના ભાગ્યનો નિર્ણય આજે લેવામાં આવશે
શિલ્પા શેટ્ટીએ વર્ષો પછી ફિલ્મોમાં કમબેક કર્યું હતું. તે પણ તે માટે ખૂબ જ ઉત્સાહિત હતી. ફિલ્મની રિલીઝ ડેટ નજીક રાજ કુંદ્રાની અશ્લીલ મૂવી બનાવવાનો પર્દાફાશ થયો. જે બાદ મનોરંજનની દુનિયામાં ખળભળાટ મચી ગયો હતો. રાજની તાત્કાલિક ધરપકડ કરવામાં આવી હતી. શિલ્પા શેટ્ટી પણ પતિ વિવાદોમાં પડ્યા પછી તે સોશિયલ મીડિયા અને પાપારાઝીથી દૂર થઈ ગઈ. શિલ્પા તેના શો સુપર ડાન્સરના શૂટ પર પણ ગઈ ન હતી. તે ફિલ્મનું યોગ્ય રીતે પ્રમોશન પણ કરી શકી નથી.
રાજની ધરપકડ કરી લેવા માટે Mumbai Police ને ત્રણ મહિનાનો સમય લાગ્યો
Bollywood actress Shilpa Shettyના પતિ રાજ કુંદ્રાની (Raj Kundra ) અશ્લીલ ફિલ્મ મેકિંગની પ્રવૃત્તિઓ ફેબ્રુઆરી-માર્ચમાં મુંબઈ પોલીસના ક્રાઈમ બ્રાંચના અધિકારીઓના રડાર ઉપર આવી હતી. જોકે અશ્લીલ ફિલ્મોના નિર્માણ અને કેટલીક એપ્સ દ્વારા તે પ્રકાશિત કરવાના આક્ષેપ સાથેના કેસમાં રાજની ધરપકડ કરી લેવા માટે Mumbai Police ને ત્રણ મહિનાનો સમય લાગ્યો હતો. બોલીવૂડ અભિનેત્રી શિલ્પા શેટ્ટી ( Bollywood actress Shilpa Shetty )ના પતિ રાજ કુંદ્રાની (Raj Kundra ) સોમવારે રાત્રે ક્રાઇમ બ્રાંચ ( Mumbai Police ) દ્વારા એક કેસમાં ધરપકડ કરવામાં આવી હતી. જેમાં કહેવામાં આવ્યું છે કે રાજ અશ્લીલ ફિલ્મો બનાવવાની અને કેટલાક એપ્સ દ્વારા તેને પ્રકાશિત કરવાના કેસ સંબંધિત છે. મંગળવારે તેને કોર્ટમાં રજૂ કરવામાં આવ્યો હતો.
મજબૂત કેસ બનાવવા માટે ઘણા ઇલેક્ટ્રોનિક પુરાવા મળ્યાં
જાણવા જેવું છે કે એપ્રિલમાં ચાર્જશીટ દાખલ કરવામાં આવેલા કેસમાં Raj Kundra ની ધરપકડના વિલંબ વિશે બોલતા મુંબઈના જોઇન્ટ પોલીસ કમિશનર (Crime) મિલિંદ ભારંબેએ કહ્યું હતું કે, એક મજબૂત કેસ બનાવવા માટે ઘણા ઇલેક્ટ્રોનિક પુરાવા મળ્યાં છે. પોલીસ કડક કાર્યવાહી કરે તે પહેલાં પૈસા ટ્રાન્સફર, ખાતાઓની માલિકી, સામગ્રી અને પ્રકાશકની ચકાસણી વગેરેના પુરાવા મેળવવા માટે આ સમય લાગી ગયો હતો.
આ પણ વાંચો: રાજ કુંદ્રાને લગતાં 5 મોટા વિવાદ: IPL, gold scam અને pornography
નાણાં ટ્રાન્સફર માટેની જાળ ભેદાઈ
વિવિધ બેંક ખાતાઓમાં નાણાં ટ્રાન્સફર થતાં હોવાનું ભારંબેએ જણાવ્યું હતું, પોર્ન ફિલ્મોના રેકેટનો ભોગ બનેલા લોકોને થોડાક હજાર રૂપિયા જ મળતાં હતાં. તપાસ દરમિયાન તે પ્રકાશમાં આવ્યું કે, આર્મસ્પ્રાઇમ નામની કંપનીએ કેનરીન માટે એપ્લિકેશન (હોટશોટ્સ) તૈયાર કરી હતી અને તેમાં વ્યક્તિગત એપ્લિકેશનો પણ હતી. વિયાન ઇન્ડસ્ટ્રીઝે કેનરીન સાથે કન્ટેન્ટ બનાવવાની જવાબદારી અને યુકે સ્થિત એન્ટિટી દ્વારા કુંદ્રાની ( Raj Kundra ) કંપનીમાં નાણાં ટ્રાન્સફર કરવાની જવાબદારી અંગે કરાર કર્યો હતો.
નાણાં વિદેશી કંપની પર વહીવટ
મુંબઈથી તેમણે જણાવ્યું હતું કે નાણાં (એપ્લિકેશનોનો ઉપયોગ કરવા માટે) કેનરીનના નામ પર આવતા હતાં. તેમ છતાં તેનું મેનેજમેન્ટ મુંબઇથી થતું હતું. ભારંબેએ જણાવ્યું હતું કે, મુંબઈ ક્રાઇમ બ્રાંચે ( Mumbai Police ) આ કેસ સંભાળ્યો તે પહેલાં મહારાષ્ટ્ર સાયબર વિભાગને રેકેટ અંગે ફરિયાદ કરવામાં આવી હતી. માલવણી પોલીસે બે મહિલાઓની ફરિયાદના આધારે FIR દાખલ કરી હતી, જ્યારે અન્ય એક મહિલાએ મુંબઇથી લગભગ 120 કિલોમીટર દૂર લોનાવાલા પોલીસ સ્ટેશનમાં ફરિયાદ નોંધાવી હતી એમ તેમણે જણાવ્યું હતું.
આ પણ વાંચો: Raj Kundra ની ધરપકડ માટે Mumbai Police એ 3 મહિનાનો સમય કેમ લીધો?
અત્યાર સુધીમાં 12 આરોપીની થઈ ધરપકડ
2021ના ફેબ્રુઆરીમાં કેટલાક પીડિતોએ માલવણી પોલીસ સ્ટેશનમાં સંપર્ક કર્યા બાદ મુંબઇ ક્રાઈમ બ્રાંચે ( Mumbai Police ) આ કેસની તપાસ શરૂ કરી હતી. માલવણી પોલીસે કરેલી તપાસ બાદ ક્રાઈમ બ્રાંચ-સીઆઈડી અને સંપત્તિ સેલ દ્વારા ઓછામાં ઓછી 12 ધરપકડ કરવામાં આવી છે. કુંદ્રા ( Raj Kundra ) સહિત તેના ટેક સહયોગી રાયન જે. થાર્પેની ધરપકડ પણ થઈ છે જેને મુંબઈ મેજિસ્ટ્રેટ કોર્ટે 23 જુલાઇ સુધી પોલીસ કસ્ટડીમાં મોકલી આપ્યો હતો.
