માનસિક સ્વાસ્થ્ય અંગે જાગ્રતતા (મેન્ટલ હેલ્થ અવેરનેસ) લાવવા માટે દીપિકાને 26મો વાર્ષિક ક્રિસ્ટલ પુરસ્કાર એનાયત કરાયો છે. આ ઉપરાંત તે 2020માં દાવોસ વિજેતાઓની યાદીમાં સામેલ થનાર એકમાત્ર ભારતીય અભિનેત્રી છે.
આ એવોર્ડ વિશે વાત કરતાં અભિનેત્રીએ જણાવ્યું હતું કે, "આ બીમારીથી 30 કરોડથી વધુ લોકો પીડાઈ રહ્યા છે. વધુ પડતો તણાવ એ માનસિક વિકલાંગતાનું કારણ છે. જે માણસને અંદર-અંદર મારવાનું કામ કરે છે અને આવી બીમારીઓમાં પહેલા કરતા વધારો થયો છે. આ એક છૂપી બીમારી છે. જે સામાજિક બોજ નીચે દબાઈ ગઈ છે. આથી તેની સામે આપણે લડવાની જરૂર છે. નહીં કે બીમારી છૂપાવવાની."
આગળ વાત કરતાં અભિનેત્રીએ કહ્યું હતું કે, "હું આ ક્રિસ્ટલ એવોર્ડ મેળવી ગૌરવ અનુભવું છે. આ પુરસ્કાર હું તણાવ, ચિંતા અને માનસિક બીમારીઓની પીડાતા દુનિયાભરના લોકોને સમર્પિત કરું છું."
ઉલ્લેખનીય છે કે, દીપિકા ટૂંક સમયમાં જ તેની આગામી ફિલ્મ 'છપાક'માં જોવા મળશે. જેને મેઘના ગુલઝારે નિર્દેશિત કરી છે. આ ફિલ્મ વાસ્તવિક એસિડ અટેક સવાઈવર પર આધારીત છે. જેના પર વર્ષ 2005માં 15 વર્ષની ઉમંરે તેના કથિત પ્રેમીએ એસિડ ફેક્યું હતું. આ ફિલ્મ 10 જાન્યુઆરી, 2020ના રોજ રૂપેરી પડદે જોવા મળશે.
