સલમાન ખાન પ્રોડક્શને ટ્વીટ કરી હતી, દરેકની ભાવનાઓને ધ્યાનમાં રાખીને અમે સ્વેચ્છાએ ‘હુડ હુડ દંબગ’માંથી કેટલાંક દ્રશ્યો હટાવ્યા છે. ઉલ્લેખનીય છે કે આ ફિલ્મનું ડિરેક્શન પ્રભુદેવાએ કર્યું છે. ફિલ્મમાં સલમાન ખાન, સોનાક્ષી સિંહા, સાંઈ માંજરેકર, કિચ્ચા સુદીપ તથા પ્રમોદ ખન્ના છે.
હિંદુ જનજાગૃતિ સમિતિએ ફિલ્મના ટાઈટલ સોંગ ‘હુડ હુડ દંબગ’માં સાધુઓને ડાન્સ કરતાં બતાવવા પર વિરોધ કર્યો હતો. સમિતિના મહારાષ્ટ્ર તથા ઝારખંડના સંગઠક સુનીલ ઘનવતે ફિલ્મના ગીતની કોરિયોગ્રાફી પર સવાલ ઉઠાવતા કહ્યું હતું કે સાધુઓને સલમાનની સાથે આપત્તિજનક રીતે ડાન્સ કરતા બતાવવામાં આવ્યા છે, જેનાથી હિંદુ ભાવનાને ઠેસ પહોંચી છે.
