મુંબઇ: કોવિડ -19થી સ્વસ્થ થયા પછી અમિતાભ બચ્ચન લોકપ્રિય શો 'કૌન બનેગા કરોડપતિ' (કેબીસી)ની આગામી સીઝનના શૂટિંગ માટે તૈયાર છે. અભિનેતાએ પોતાના બ્લોગમાં ખુલાસો કર્યો છે કે, તમામ સુરક્ષા પગલાં લઈને તે 'કેબીસી'ના શૂટિંગની તૈયારી કરી રહ્યાં છે.
અભિનેતાએ લખ્યું કે, '' કેબીસી 'ના પ્રોમો માટે શૂટિંગ શરૂ કરવાની ઘણી તૈયારીઓ કરવામાં આવી છે અને મહત્તમ સુરક્ષા પગલાંથી તે કેવી રીતે કરી શકાય તે માટે' કેબીસી'નું પોતાનું પ્રોટોકોલ છે. જીવન હવે પહેલા જેવું નહીં થાય .. કદાચ..આ મહામારીના યુગમાં આપણે આ રીતે રહેવું પડશે."
લોકડાઉનની વચ્ચે મે મહિનાની શરૂઆતમાં, બિગ બીએ 'કેબીસી' ની આગામી સીઝન માટે શૂટિંગ શરૂ કર્યું હતું, જેને લઈને સલામતીના કારણોસર સવાલો ઉઠ્યાં હતાં.
આ મુદ્દે પોતાનો ખુલાસો આપતા, તેમણે પોતાના બ્લોગમાં લખ્યું, "હા, મેં કામ કર્યું છે. જો તમને આમાં સમસ્યા છે, તો તે તમારી પાસે રાખો. લોકડાઉનની આ સ્થિતિમાં અહીં કંઇપણ બોલવાનો પ્રયાસ ન કરો. શક્ય તેટલી, પૂરતી સાવચેતી રાખવામાં આવી હતી. બે દિવસનું કામ એક જ દિવસમાં સંભાળ્યું હતું. કામ સાંજના છ વાગ્યે શરૂ કરાયું છે અને ટૂંક સમયમાં સમાપ્ત થઈ ગયું હતું."
