મુંબઇ: અભિનેત્રી અનુષ્કા શર્મા કહે છે કે, ફિલ્મ જોવી હંમેશાં માધ્યમને વધુ સારી રીતે સમજવામાં મદદ કરે છે, તેવુ નથી, પણ જીવનના અનુભવો પણ કહાની કહેવામાં અને પ્રસ્તુત કરવામાં પણ મદદ કરે છે.
અનુષ્કાના પિતા સેનામાં ફરજ બજાવી ચૂક્યા છે. તેથી તે અને તેમના ભાઇ કર્ણેશ, જે તેમના પ્રોડક્શન હાઉસમાં પણ તેમના ભાગીદાર છે, લશ્કરી પૃષ્ઠભૂમિમાં ઉછર્યા છે અને બંનેએ ઘણી યાત્રા કરી છે.
આ વિશે અભિનેત્રીએ કહ્યું કે, "આર્મી બાળકો તરીકે, અમે હંમેશા નવા વિચારો અપનાવવા માટે તૈયાર છીએ અને અમે જે પણ યાત્રાઓ કરી છે તે ખરેખર અમને સ્થાનિક વાર્તાઓ સમજવામાં મદદ કરે છે. આવા અનુભવો કહાની કહેવામાં અને પ્રસ્તુત કરવામાં માત્ર અમને સહાય જ કરી નથી, પરંતુ સમાજના દ્રષ્ટિકોણથી વસ્તુઓ જુદી જુદી રીતે જોવાની તક પણ આપી છે."
અનુષ્કાએ વધુમાં કહ્યું કે, "ફિલ્મ જોવી હંમેશાં માધ્યમને વધુ સારી રીતે સમજવામાં મદદ કરે છે, તેવુ નથી, પણ જીવનના અનુભવો પણ કહાની કહેવામાં અને પ્રસ્તુત કરવામાં પણ મદદ કરે છે. અમે દરેક બાબતોનો નવતર વિચાર કર્યો છે."
અનુષ્કા શર્મા કહે છે કે કન્ટેન્ટ નિર્માણમાં સફળતા માટે કોઈ ફોર્મ્યુલા નથી.
તેમણે કહ્યું, "ઉત્પાદનનો વ્યવસાય મુશ્કેલ છે અને મોટાભાગના અનુભવીઓ પણ એમ કહી શકતા નથી કે તેઓ તેના ફોર્મ્યુલાથી વાકેફ છે. તમે ફક્ત તમારી ભૂલો પરથી જ શીખી શકો છો. "
અનુષ્કા શર્માએ તેના પ્રોડક્શન બેનર હેઠળ ઘણી ફિલ્મ્સ અને વેબ સિરીઝ બનાવી છે, જેમાં 'પાતાલ લોક' અને 'બુલબુલ' શામેલ છે. જેની પ્રેક્ષકોએ ખૂબ પ્રશંસા કરી હતી.
