નવી દિલ્હી: માઇક્રોસોફ્ટે (Microsofts) મંગળવારે 2 નવા સરફેસ ઉત્પાદનોની જાહેરાત કરી છે. જેમાં સરફેસ (Surface devices) લેપટોપ 5 અને સરફેસ પ્રો 9 છે. જે હવે ભારતમાં ઉપલબ્ધ છે. સરફેસ લેપટોપ 5 ની કિંમત 1,07,999 રૂપિયા અને સરફેસ પ્રો 9 ની કિંમત 1,05,999 રૂપિયા છે. ઓનલાઈન અને ઓફલાઈન સ્ટોર પર મંગળવારથી ખરીદી માટે ઉપલબ્ધ. સરફેસ પ્રો 9 એજ-ટુ-એજ 13-ઇંચની PixelSense ડિસ્પ્લે 120Hz રિફ્રેશ રેટ અને રંગોની વિશાળ શ્રેણી સાથે ધરાવે છે.
ઈરિના ઘોષેનું નિવેદન: માઈક્રોસોફ્ટ ઈન્ડિયાના ચીફ ઓપરેટિંગ ઓફિસર ઈરિના ઘોષે એક નિવેદનમાં જણાવ્યું હતું કે, "અમે ભારતમાં નવા સરફેસ ડિવાઈઝ લાવીને વિન્ડોઝ 11 માટે અમારો પોર્ટફોલિયો વિસ્તારીને ખુશ છીએ."
“આજે અમે વિન્ડોઝ 11ની નવીનતા સાથે એક જ ડિવાઈઝ પર શ્રેષ્ઠ માઇક્રોસોફ્ટ લેપટોપ્સને એકસાથે લાવીએ છીએ. કારણ કે, અમે તમામ યુઝર્સને ભાગ લેવા, જોવા, સાંભળવા અને તેમની સર્જનાત્મકતા વ્યક્ત કરવા સક્ષમ બનાવવાનો પ્રયાસ કરીએ છીએ. આ ઉપરાંત અમારી સફર પર આગળનું પગલું ભરીએ છીએ."-- ઈરિના ઘોષ
અહેવાલ: તે 12મી પેઢીના ઇન્ટેલ કોર પ્રોસેસર્સ સાથે આવે છે. જે અદ્ભુત શક્તિ અને પ્રદર્શન તેમજ વાસ્તવિક દુનિયાની મલ્ટી ટાસ્કિંગ, સરફેસ પ્રો 8 કરતા 50 ટકા વધુ પ્રદર્શન સાથે સંપૂર્ણ ડેસ્કટોપ ઉત્પાદકતા આપે છે. વર્કલોડ વધુમાં સરફેસ લેપટોપ 5 નવીનતમ Intel Evo પ્લેટફોર્મ દ્વારા સંચાલિત છે, જે તેને તેના પુરોગામી કરતા 50 ટકા વધુ શક્તિશાળી બનાવે છે. તે આકર્ષક અને ભવ્ય છે અને આખો દિવસ બેટરી લાઈફ પણ આપે છે.
