નવી દિલ્હી: ભારતે આર્ટિફિશિયલ ઇન્ટેલિજન્સ (Artificial Intelligence) પર આધારિત 75 અત્યાધુનિક મિલિટરી પ્રોડક્ટ્સ વિકસાવી છે અને ડિઝાઇન કરી છે. આઝાદીના 75 વર્ષ પૂર્ણ થવા પર સોમવારે 'આઝાદી કા અમૃત મહોત્સવ' (Azadi Ka Amrut Mahotsav) અંતર્ગત આયોજિત કાર્યક્રમમાં તેઓને પ્રદર્શિત કરવામાં આવશે. સંરક્ષણ પ્રધાન રાજનાથ સિંહ રાષ્ટ્રીય રાજધાનીમાં વિજ્ઞાન ભવનમાં આ કાર્યક્રમનું ઉદ્ઘાટન કરશે. આ અત્યાધુનિક સૈન્ય ઉત્પાદનો 'આત્મનિર્ભર ભારત' હેઠળ બનાવવામાં આવ્યા છે.
આ પણ વાંચો: Apple Watch Series 8નું આ ફિચર જણાવશે કે, તમને તાવ છે કે કેમ ?
ભારત પાસે પહેલાથી જ એરક્રાફ્ટ છે: સંરક્ષણ મંત્રાલયના (India’s defence ministry) એક ટોચના અધિકારીએ જણાવ્યું કે, કેટલાક ઉત્પાદનોમાં 'ફેશિયલ રેકગ્નિશન' (Facial Recognition) ટેક્નોલોજીનો પણ સમાવેશ થાય છે. અધિકારીએ પ્રેસ મીટની બાજુમાં જણાવ્યું હતું કે, આ 75 ઉત્પાદનોમાંથી ઘણા પહેલેથી જ સેના પાસે છે અથવા તૈનાત થવાની પ્રક્રિયામાં છે. અન્ય 100 પ્રોડક્ટ પાઇપલાઇનમાં છે. ઉત્પાદનોને સેવાઓ, સંશોધન સંસ્થાઓ, ઉદ્યોગ અને સ્ટાર્ટ-અપ્સ અને સંશોધકો દ્વારા વિકસાવવામાં આવે છે. ઉત્પાદનો કે જે ડોમેનમાં છે તે, ઑટોમેશન/અનમેન્ડ/રોબોટિક્સ સિસ્ટમ્સ, સાયબર સિક્યુરિટી, હ્યુમન બિહેવિયર એનાલિસિસ, ઇન્ટેલિજન્ટ મોનિટરિંગ સિસ્ટમ્સ, લોજિસ્ટિક્સ અને સપ્લાય ચેઇન મેનેજમેન્ટ, સ્પીચ/વોઇસ એનાલિસિસ અને કમાન્ડ, કંટ્રોલ, કોમ્યુનિકેશન્સ, કમ્પ્યુટર અને ઇન્ટેલિજન્સ અને સર્વેલન્સ રિકોનિસન્સ (C4ISR) સિસ્ટમ્સ અને ઓપરેશનલ ડેટા એનાલિટિક્સ વગેરે છે. આવનારા સમયમાં આવા AI (Artificial Intelligence) આધારિત ઉત્પાદનોને વિદેશમાં નિકાસ કરી શકાય છે. આ યાદીમાં ભારત પાસે પહેલાથી જ 'બ્રહ્મોસ' મિસાઈલ અને 'તેજસ' લાઇટ કોમ્બેટ (Brahmos and the Tejas) એરક્રાફ્ટ છે.
વિદેશી મિશનમાં લગભગ 40 ડીએ તૈનાત છે: નાણાકીય વર્ષ 2021-22માં સંરક્ષણ નિકાસ રૂપિયા 13,000 કરોડના સર્વોચ્ચ આંકડાને વટાવી ગઈ છે. આ યોગદાનનો 70% ખાનગી ક્ષેત્ર અને બાકીનો 30% જાહેર ક્ષેત્ર તરફથી આવ્યો છે. હાલમાં, ભારતના લશ્કરી ઉત્પાદનોના મુખ્ય બજારોમાં યુએસ, ફિલિપાઇન્સ, દક્ષિણ-પૂર્વ એશિયા, પશ્ચિમ એશિયા અને આફ્રિકાનો સમાવેશ થાય છે. ભારત આ ક્ષમતાનો લાભ લેવા માટે સમાન પ્રયાસો કરી રહ્યું છે. તેણે લગભગ 85 દેશોને આવરી લેતા વિદેશી મિશનમાં લગભગ 40 ડીએ તૈનાત કર્યા છે. આ તમામને ઉત્પાદનોના માર્કેટિંગ માટે સંવેદનશીલ બનાવવામાં આવ્યા છે.
આ પણ વાંચો: WhatsApp ટૂંક સમયમાં લાવી રહ્યું છે એક નવું ફીચર,જાણો તેના વિશે
વ્યૂહાત્મક ભાગીદારોની પસંદગી: AI પર ધ્યાન કેન્દ્રિત કરવા અને ભારતીય સેનામાં જરૂરી ફેરફારો લાવવા માટે સરકારે પહેલેથી જ બે સંસ્થાઓ ઉચ્ચ-શક્તિવાળી ડિફેન્સ AI કાઉન્સિલ (DAIC) અને ડિફેન્સ AI પ્રોજેક્ટ્સ એજન્સી (DAIPA) ની સ્થાપના કરી છે. સંરક્ષણ પ્રધાનની આગેવાની હેઠળના DAICમાં સેના, નૌકાદળ અને IAFના ત્રણ વડા, સંરક્ષણ સચિવ અને ઉદ્યોગ અને શૈક્ષણિક ક્ષેત્રના પ્રતિષ્ઠિત સભ્યોનો સમાવેશ થાય છે. DAIC ને ઓપરેટિંગ માળખું સ્થાપિત કરવા, નીતિ સ્તરો બદલવા અને માળખાકીય સહાય પૂરી પાડવા માટે સત્તા આપવામાં આવી છે. DAIPAનું નેતૃત્વ સંરક્ષણ સચિવ કરે છે. તે પ્રોજેક્ટ્સ માટે ટેક્નોલોજી ડેવલપમેન્ટ અને ડિલિવરી પ્રક્રિયા માટે ધોરણો નક્કી કરે છે, આ પ્રોજેક્ટ્સ માટે પ્રમાણભૂત ઓપરેટિંગ પ્રક્રિયાઓ સ્થાપિત કરે છે, IPR માટે નીતિ બનાવે છે, વ્યૂહાત્મક ભાગીદારોની પસંદગી કરે છે.
